Desiert z čarnaślivu i hreckich arechaŭ ź viarškami: vytančany smak i sucelnaja karyść
Raźmiakčanyja hreckija arechi ŭraŭnavažvajuć słodyč čarnaślivu, a krem ź viarškoŭ dadaje desiertu vytančanaści. Inhredyjenty — sucelnaja karyść: čarnaśliŭ palapšaje pracu serca, sasudaŭ i nyrak, źnižaje «drenny» chalesteryn, a hreckija arechi palapšajuć pamiać i dajuć zarad enierhii.
Raspaŭsiudžany ŭ małdaŭskaj i ŭkrainskaj kuchni, hety desiert moža hatavacca pa-roznamu. Reč u tym, što, kab načynić hreckimi arechami, čarnaśliŭ spačatku treba raźmiakčyć — i niechta varyć jaho ŭ vadzie, niechta ŭ čornym čai abo kavie, a chtości — u čyrvonym vinie. Usie hetyja vadkaści dadajuć svoj asablivy vodar. Prapanujem adzin z mahčymych receptaŭ.
Kab pryhatavać čarnaśliŭ, faršyravany hreckimi arechami, vam spatrebicca:
- čarnaśliŭ biez kostačak — 500 h (ad śviežaści i smačnaści čarnaślivu zaležyć jakaść usiaho desiertu),
- hreckija arechi — 100 h,
- vino ci vada — 150 mł (kala 2/3 šklanki),
- cukar — 2 st. ł.,
- tłustyja viarški — 300 mł (kala 1 i 1/4 šklanki),
- cukrovaja pudra — 1 st. ł.,
- ekstrakt vanili (pa žadańni, možna dadać da pryhatavanaha kremu),
- šakaład (pa žadańni, možna nacierci na viarški pierad padačaj).
Jak hatavać:
- Spačatku dadajcie vino (abo vadu) i cukar u nievialiki rondal. Pastaŭcie rondal na plitu na siaredni ahoń i pamiešvajcie paru chvilin, pakul cukar nie raspuścicca. Pieralicie ŭsiu vadkaść u nievialikuju haračatryvałuju jomistaść abo kružku.
- Zatym načynicie čarnaśliŭ hreckimi arechami i źmiaścicie jaho ŭ toj ža rondal. Zalicie čarnaśliŭ vinna-cukrovaj (ci vodna-cukrovaj) sumieśsiu. Nakryjcie rondal viečkam, pastaŭcie na plitu na słaby ahoń i dajcie čarnaślivu pakipieć kala 10-15 chvilin.
- Padnimicie viečka i pierakanajciesia, što ałkahol vyparyŭsia, a vadkaść pieratvaryłasia ŭ sirop. Kali nie, praciahvajcie varyć čarnaśliŭ da taho času, pakul nie pierastaniecie adčuvać pach ałkaholu i sumieś vina i cukru (abo sumieś vady i cukru) nie pieratvorycca ŭ sirop. Paśla hetaha źnimicie rondal z ahniu i dajcie čarnaślivu astyć.
- Paśla poŭnaha astyvańnia čarnaśliŭ, faršyravany hreckimi arechami, možna padavać na stoł. Jon vydatna hladzicca ŭ prazrystaj talercy abo šklancy. U tradycyjnym recepcie desiert padajecca sa śmiatanna-cukrovym kremam. Adnak jaho možna padavać i z kremam z maskarpone zamiest śmiatany abo z uźbitymi viarškami i ciortym šakaładam.
Vam taksama mohuć spadabacca:
Žycharka Słucka pakazała, jak rabić hłazuravanyja syrki. I padzialiłasia receptam
Ciapier čytajuć
Łukašenka zahadaŭ zabaranić arhanizavanyja pajezdki dziaciej za miažu biez dazvołu dziaržavy12
Łukašenka zahadaŭ zabaranić arhanizavanyja pajezdki dziaciej za miažu biez dazvołu dziaržavy
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?1111
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?11
Dziaržkanały poŭniacca abvinavačvańniami na adras Ukrainy. Nivodzin dziaržkanał nie apublikavaŭ kamientary ŭkraincaŭ. Reakcyi Łukašenki dahetul niama3030
Dziaržkanały poŭniacca abvinavačvańniami na adras Ukrainy. Nivodzin dziaržkanał nie apublikavaŭ kamientary ŭkraincaŭ. Reakcyi Łukašenki dahetul niama30
Cichanoŭskaja pra ŭdar pa aŭtobusie ź biełaruskimi dziećmi: Nie ryzykujcie žyćciom — nie jedźcie ŭ Rasiju, jakaja viadzie złačynnuju i niespraviadlivuju vajnu2929
Kamientary
mam, słušaj aniekdot
Chudožnik risujet obnažiennuju naturŝicu. Zakančivajet risunok i hovorit jej: — Pojdiem kofie poṕjem. Naturŝica nadievajet chałatik, oni idut na kuchniu, staviat kofie, i tut słyšat — v zamkie klučyk povoračivajetsia. — Oj, — hovorit chudožnik, — Eto žiena viernułaś... Bystro razdievajsia!
p.s. praviercie poštu. ja vam rysunak dašlu, jaki jon učora narysavaŭ. vam spadabajecca )