Kultura22

Hałoŭny chedłajnier muzyčnaj sceny — Super Besse, a litaraturnaj — Alhierd Bacharevič: u Varšavie projdzie Hučna Fest

U Varšavie 9 lipienia na bierazie Visły projdzie Hučna Fest.

Vystupleńnie Super Besse ŭ 2021 hodzie. Fota: fejsbuk hurta

Siarod chedłajnieraŭ padziei — muzyki Śvieta Bień i Hala Čykis, hurt Super Besse, a hetaksama piśmieńnik Alhierd Bacharevič. U Varšavie 9 lipienia na bierazie Visły projdzie Hučna Fest, jak piša Reform.by.

Muzyčnaja scena, art-markiet, placoŭka sacyjalnych aktyŭnaściaŭ, a hetaksama litaraturnaja scena — prahrama fiestyvalu, jaki ŭžo treci hod zapar ładzić Free Belarus Center, vyhladaje maštabna.

Užo viadoma, što siarod vystupoŭcaŭ muzyčnaj sceny taksama buduć biełaruskija hurty Sož i Graphotype, a taksama ŭkrainski band I33I.

Afiša padziei. Fota: fejsbuk FreeBelarusCenter.

Vydaviectva «Januškievič», jakoje arhanizuje na fiestyvali svoj knižny stend, zhadvaje pra litaraturnyja navinki Alhierda Bachareviča.

«Nahadajem, što ciaham apošniaha miesiaca ŭ Alhierda Bachareviča vyjšła z druku ažno try novyja knihi — «Płošča Pieramohi», «Pieratrus u muzei», «Chłopčyk i śnieh». I ŭsie jany — na złabadzionnyja, balučyja temy, jakija tryvožać kožnaha nieabyjakavaha biełarusa», — źviartaje ŭvahu na hałoŭnaha hościa litaraturnaj placoŭki instytucyja.

Najbližejšym časam Free Belarus Center abiacaje raskryć imiony inšych udzielnikaŭ padziei.

Kancepcyja ž fiestyvalu Hučna Fest, nahadajem, hučyć tak:

«Fest abjadnoŭvaje aktualnaje biełaruskaje mastactva ŭ roznych prajavach i daje mahčymaść biełaruskim aktyvistam i aktyvistkam pakazać siabie. My zaprašajem biełarusaŭ i biełarusak, ukraincaŭ i ŭkrainak, palakaŭ i polek, a taksama inšych žycharoŭ i haściej Varšavy bolš daviedacca pra našu Biełaruś — sučasnuju, jeŭrapiejskuju i demakratyčnuju».

Uvachod na mierapryjemstva — volny. Čas i miesca — 9 lipienia, na bierazie Visły kala varšaŭskaha Muzieja Sučasnaha Mastactva (Wybrzeże Kościuszkowskie 22).

Sačyć za padziejaj možna tut.

Kamientary2

  • Viesiałucha
    27.06.2023
    Ludzi ŭ turmach, a ŭ ich fest za festam.
  • K
    27.06.2023
    Viesiałucha, "ich" nia jość vorahami palityčnych viaźniaŭ. Vorahi ładziać inšyja imprezy, kštałtu paradaŭ.

Ciapier čytajuć

Rybakoŭ: Biełaruś i ZŠA rychtujuć novyja kroki9

Rybakoŭ: Biełaruś i ZŠA rychtujuć novyja kroki

Usie naviny →
Usie naviny

Tramp nazvaŭ Miadźviedzieva «byłym prezidentam-niaŭdačnikam» i paraiŭ sačyć za słovami7

U Biełarusi śmiarotnaść amal udvaja pieravysiła naradžalnaść5

«Treba raździalić adukacyju i biełarusizacyju». Niečakanaja prapanova historyka Cimocha Akudoviča29

Minčuk kupiŭ na aŭkcyjonie kvateru ź piensijanierkaj, jakaja dva hady naadrez admaŭlajecca vysialacca11

Kvietki, murał i tysiačy prychilnikaŭ. Jak prajšło raźvitańnie z Ozi Osbarnam u jaho rodnym Birminhiemie

Barmiena z Hrodna pasadzili za «raspalvańnie varožaści». Sprava ŭ kamientarach u telehramie — choć jon ich i vydaliŭ8

Minčuk paprasiŭ barystu abmianiać 250 rubloŭ — i pajšoŭ z prybytkam. Fokus trapiŭ na videa2

Biełaruskim ipešnikam upieršyniu za apošnija hady dumajuć palehčyć umovy pracy. Što płanujuć źmianić3

Lidar rasijskaha hurta «Ruki vvierch!» adkryvaje ŭ Mahilovie bar, dzie ŭsio budzie pradavacca za žukojny1

bolš čytanych navin
bolš łajkanych navin

Rybakoŭ: Biełaruś i ZŠA rychtujuć novyja kroki9

Rybakoŭ: Biełaruś i ZŠA rychtujuć novyja kroki

Hałoŭnaje
Usie naviny →

Zaŭvaha:

 

 

 

 

Zakryć Paviedamić