Navukoŭcy rasšyfravali DNK Bietchoviena i raskryli niekatoryja tajamnicy
Hrupie navukoŭcaŭ z Hiermanii i Vialikabrytanii ŭdałosia pa paśmie vałasoŭ rasšyfravać DNK niamieckaha kampazitara Ludviha van Bietchoviena. Vyniki daśledavańnia apublikavali ŭ časopisie Current Biology.
Daśledčyki na čale z navukoŭcam z Kiembrydžskaha ŭniviersiteta Trystanam Bieham praanalizavali pasmy vałasoŭ, jakija zachoŭvalisia ŭ pryvatnych kalekcyjach i nibyta naležali Bietchovienu. Usiaho pasmaŭ było vosiem, ale ŭ časie daśledavańnia aŭtentyčnymi pryznali tolki piać. Navukoŭcy vyłučyli ź ich DNK dla analizu.
Hienietyki nie zmahli znajści dakładnuju pryčynu hłuchaty Bietchoviena abo prablem kampazitara sa straŭnikava-kišačnym traktam. Navukoŭcam taksama nie ŭdałosia vyśvietlić dakładnuju pryčynu śmierci, adnak jany daznalisia, što
u Bietchoviena była hienietyčnaja schilnaść da zachvorvańniaŭ piečani (heta paharšałasia prychilnaściu da ałkaholu), a ŭ kancy žyćcia jon byŭ infikavany hiepatytam B.
Daśledčyki adznačajuć, što papiarednija analizy, paśla jakich vysoŭvali hipotezu, što ŭ Bietchoviena było atručeńnie śvincom, akazalisia zasnavanymi na ŭzory, jaki naohuł nie naležaŭ Bietchovienu. Bolš za toje, vołas naohuł byŭ žanočym.
Kamanda taksama praanalizavała hienietyku žyvych svajakoŭ Bietchoviena ŭ Bielhii, ale nie zmahła znajści supadzieńniaŭ pa Y-chramasomie ni ŭ adnaho ź ich. Navukoŭcy ličać, što heta źviazana z tym, što prynamsi adzin raz u siamji Bietchoviena pa baćkoŭskaj linii adbyłosia naradžeńnie pazašlubnaha dziciaci.
Daśledavańnie praviali navukoŭcy z Kiembrydžskaha i Bonskaha ŭniviersitetaŭ, Instytuta evalucyjnaj antrapałohii Maksa Płanka i inšych VNU.
Jak viadoma, Bietchovien naradziŭsia ŭ 1770 hodzie i bližej da 30 hadoŭ pačaŭ hublać słych, a paśla 40 straciŭ jaho amal całkam. Taksama jon pakutavaŭ ad šmatlikich prablem straŭnikava-kišačnaha trakta, hałaŭnych bolaŭ. Pry hetym jon praciahvaŭ stvarać muzyku, adnak ihrać na fartepijana ŭžo nie moh. Kampazitar pamior, kali jamu było 56.
Ab pryčynach śmierci kampazitara pačali spračacca praktyčna adrazu, adnak za dva stahodździ pryjści da adnaznačnaj vysnovy tak i nie ŭdałosia. Daśledavańni hruntavalisia hałoŭnym čynam na dakumientalnych krynicach, siarod jakich listy Bietchoviena, dziońniki i zborniki hutarak, a taksama apoviedy sučaśnikaŭ kampazitara, uklučajučy zapisy lekaraŭ, spravazdačy ab anatamiravańni i apisańni kaściavoha materyjału paśla ekshumacyj u 1863 i 1888 hadach.
Čytajcie jašče:
Imavierny aŭtar nieviadomaha šedeŭra — Rafael. Heta dakazała technałohija raspaznavańnia tvaraŭ
-
Jon nahadvaje marskoha skata: amierykanski startap stvaryŭ samalot biez zvykłych kryłaŭ i iluminataraŭ, jaki moža stać novaj staronkaj u avijacyi
-
Asteroid, jaki źniščyŭ dynazaŭraŭ, moh vyklikać pažary pa ŭsioj płaniecie
-
Jak śpiakota padčas ciažarnaści i ŭ pieršyja miesiacy žyćcia moža ŭpłyvać na raźvićcio mozhu dziciaci
Ciapier čytajuć
Mužu viadomaj biełaruskaj advakatki dali ŭ Rasii 9 hadoŭ kałonii za chabary. A ich sumiesnuju kvateru ŭ Vybarhu ciškom pradali4
Mužu viadomaj biełaruskaj advakatki dali ŭ Rasii 9 hadoŭ kałonii za chabary. A ich sumiesnuju kvateru ŭ Vybarhu ciškom pradali
«Pastavili pałatki, raźviali vohniščy». MUS paćvierdziła zatrymańnie 350 čałaviek pad Rasonami. Znajšli i arhumient: «Mnohija ŭ hołym vyhladzie pierad małaletnimi»1010
«Pastavili pałatki, raźviali vohniščy». MUS paćvierdziła zatrymańnie 350 čałaviek pad Rasonami. Znajšli i arhumient: «Mnohija ŭ hołym vyhladzie pierad małaletnimi»10
U Šejmana znajšli jašče adnu mahčymuju kachanku i syna. Sakratarka biez vyšejšaj adukacyi za ličanyja hady stała ŭłaśnicaj raskošnych damoŭ i handlovaha centra2626
U Šejmana znajšli jašče adnu mahčymuju kachanku i syna. Sakratarka biez vyšejšaj adukacyi za ličanyja hady stała ŭłaśnicaj raskošnych damoŭ i handlovaha centra26
«Što, hrochnuć dziaciej Cichanoŭskaj, kab źviarnuli ŭvahu na maju prablemu?» Jak tupy kamientar aktyvista Dzianisa Daškieviča stvaryŭ jamu prablemy ŭ Polščy2929
Kamientary