Navukoŭcy pry dapamozie łaziera ŭpieršyniu zmahli kiravać małankaj
Sutnaść ekśpierymientu zaklučałasia ŭ stralbie pa navalničnych abłokach mocnymi łaziernymi impulsami.
Małanki — heta vielizarnyja atmaśfiernyja elektryčnyja razrady, tempieratura jakich padčas udaru dasiahaje 30 000 S°, što ŭ piać razoŭ bolš, čym tempieratura pavierchni Sonca. Kožny hod na Ziamlu traplaje bolš za miljard padobnych razradaŭ, jakija pryvodziać da tysiač ludskich śmierciaŭ, dziasiatkaŭ tysiač traŭm i šmatmiljardnych materyjalnych strat.
Tamu ludzi praciahvajuć šukać efiektyŭnyja sposaby baraćby z nastupstvami hetaj źjavy.
Niadaŭna ŭ časopisie Nature Photonics źjaviŭsia artykuł, u jakim apisvajecca praca łaziernaj ustanoŭki, dastaŭlenaj u minułym hodzie na viaršyniu šviejcarskaj hary Sencis i raźmieščanaj kala 124-mietrovaj televiežy, jakaja prymaje na siabie ŭdary małanki prykładna 100 razoŭ na hod.
Daśledčyki čakali, kali źbiarucca navalnicy, i ŭ pieryjad ź lipienia pa vierasień 2022 hoda stralali mocnymi łaziernymi impulsami pa navalničnych abłokach ahułam bolš za šeść hadzin zapar. Prybory, nastrojenyja dla rehistracyi ŭdaraŭ małanki, pakazali, što padčas ekśpierymientaŭ łazier zdoleŭ adchilić trajektoryju čatyroch razradaŭ małanki.
«Adzin z hetych razradaŭ mieŭ miesca pry jasnych umovach nadvorja, tamu heta ŭdałosia padrabiazna praanalizavać. Vyśvietliłasia, što razrad nie prosta byŭ adchileny, jon stroha išoŭ za łazieram», — raskazvaje The Guardian sa spasyłkaj na danyja ekśpierymientu.
Navukoŭcy dadajuć, što bolš mocnyja łaziery patencyjna zmohuć nakiroŭvać małanku na vialikija adlehłaści i navat vyklikać jaje da taho, jak jana stanie dla kahości pahrozaj.
«Niahledziačy na toje, što łaziery niasuć pramuju pahrozu dla čałaviečych vačej, hety ekśpierymient prakładvaje šlach da łaziernych sistem achovy ad małanak u aeraportach, la rakietnych startavych placovak, na chmaračosach i inšych miescach», — padkreślivajuć daśledčyki.
Čytajcie jašče:
Razumnaja bytavaja technika moža pierastać pracavać užo praz dva hady
Navukoŭcy znajšli raniej nieviadomyja hieny, jakija pakazvajuć, što čałaviek usio jašče evalucyjanuje
Čamu 3000 hadoŭ tamu čałaviečy mozh byŭ bolšy
-
Boty OpenAI atakujuć Vikipiedyju i vypraboŭvajuć jaje sistemy biaśpieki. Raspracoŭščykaŭ ŠI abvinavacili ŭ techničnym škodnictvie
-
Jak biełaruskija łaziery dapamahli daśledavańniam, za jakija sioleta ŭručyli Nobieleŭskuju premiju pa miedycynie
-
Sučasnyja mietady sudovaj ekśpiertyzy pakazali: pieršyja cary Jehipta mahli adpraŭlacca ŭ zamahilny śviet nie adny
Ciapier čytajuć
Redki vypadak: pamiłavany biełaruski palitviazień pajšoŭ na vajnu suprać Ukrainy16
Redki vypadak: pamiłavany biełaruski palitviazień pajšoŭ na vajnu suprać Ukrainy
«Strelba kali i strelić, to naŭrad ci kulamiotnaj čarhoj». Maksim Znak acaniŭ realnaść pahroz biełaruskaj prapahandy pazbavić hramadzianstva palitemihrantaŭ1212
Kamientary