Pra namier viadomaha brenda chutkaha charčavańnia pakinuć Kazachstan paviedamiła ahienctva Bloomberg. Pavodle jaho, pryčyna hetaha — parušeńnie łancužkoŭ pastavak, bo miascovyja restarany nie mohuć zakuplać miasa ŭ Rasii.
Usie 24 restarany sietki prypynili pracu ŭ Kazachstanie z-za abmiežavańniaŭ «u miascovych pastaŭkach» jašče ŭ listapadzie.
Bloomberg udakładniaje, što amierykanskaja kampanija zabaraniła kazachstanskaj franšyzie kuplać farš dla katlet u rasijskich pastaŭščykoŭ z-za sankcyj. U toj ža čas u jeŭrapiejskich pastaŭščykoŭ kazachi kuplać jaho nie mohuć z-za vialikich transpartnych vydatkaŭ.
Kiraŭnictva kampanii pakul što situacyju nie kamientuje.
Uładalnikam franšyzy «Makdonaldsa» ŭ Kazachstanie (jak raniej i ŭ Biełarusi) źjaŭlajecca svajak eks-prezidenta Kazachstana Kajrat Baranbajeŭ. Ciapier jon znachodzicca pad śledstvam.
Kamientary