Пра намер вядомага брэнда хуткага харчавання пакінуць Казахстан паведаміла агенцтва Bloomberg. Паводле яго, прычына гэтага — парушэнне ланцужкоў паставак, бо мясцовыя рэстараны не могуць закупляць мяса ў Расіі.
Усе 24 рэстараны сеткі прыпынілі працу ў Казахстане з-за абмежаванняў «у мясцовых пастаўках» яшчэ ў лістападзе.
Bloomberg удакладняе, што амерыканская кампанія забараніла казахстанскай франшызе купляць фарш для катлет у расійскіх пастаўшчыкоў з-за санкцый. У той жа час у еўрапейскіх пастаўшчыкоў казахі купляць яго не могуць з-за вялікіх транспартных выдаткаў.
Кіраўніцтва кампаніі пакуль што сітуацыю не каментуе.
Уладальнікам франшызы «Макдональдса» ў Казахстане (як раней і ў Беларусі) з'яўляецца сваяк экс-прэзідэнта Казахстана Кайрат Баранбаеў. Цяпер ён знаходзіцца пад следствам.
Чытайце таксама:
Ці розняцца бургеры з «Макаў» у Беларусі, Літве, Польшчы і Грузіі? Памералі з лінейкай
«Панскі» і «Шляхецкі» бургеры ў былых «Макдональдсах» пратрымаліся толькі тры дні
Назвы бургераў у былых «Макдональдсах» памянялі з-за чатырох лустачак агуркоў
Крыніцы: Лукашэнка даверыў «Макдональдс» Алексіну
Учора Мінск зноў затапіла. Чаму сталіца не гатовая да дажджоў?4
Каментары