«Biełarusy čakajuć hetaha nie pieršy hod». Łukašenkaŭskaja hazieta zaklikała źniščyć pachavańni ŭ Kurapatach
«Minskaja praŭda» apublikavała kałonku prapahandysta Juryja Uvarava. Ahladalnik, jaki piša pra ŭsio zapar: ad čystak na biełaruskaj estradzie i pratestaŭ ŭ Iranie da palityki Kitaja — na hety raz pryśviaciŭ tekst Kurapatam.
Jon nazyvajecca «Tiemnyj les na okrainie Minska. Tancy na kostiach jevrodipłomatov i zmaharov v Kuropatach nužno priekraŝať».
«Pryhožaje miesca kala staličnaha mikrarajona Zialony Łuh azmročanaje kryžami, jakija stajać u lesie. Kožny hod, nibyta vaŭkałaki z chmurymi fizijanomijami, tam źjaŭlajucca tyja, chto luta nienavidzić zakonnuju ŭładu ŭ Biełarusi, a taksama dypłamaty niedružalubnych nam krain», — pačynaje apovied Uvaraŭ pra miesca, jakoje maje status historyka-kulturnaj kaštoŭnaści i dzie dziaržava pastaviła pamiatny znak.
Dalej prapahandyst nakidvajecca z krytykaj na zachodnich dypłamataŭ, jakija pryjazdžajuć u Kurapaty, «niesučy biednyja bukieciki niedarahich kvietak», i ihnarujuć pytańni «śmiełych biełaruskich žurnalistaŭ».
«Jeŭradypłamaty apahanili svajoj prysutnaściu ŭročyšča». Prapahandysty dvoje sutak dziažuryli ŭ Kurapatach
«Molimsia, kab uroki historyi byli zasvojenyja». Zachodnija dypłamaty naviedali Kurapaty
Prapahandysty prystavali da jeŭrapiejskich dypłamataŭ padčas chviliny maŭčańnia ŭ Kurapatach
Kałumnist vydańnia Minabłvykankama nazyvaje «bajkaj» toje, što ŭ Kurapatach pachavanyja achviary stalinskich represij i pradstaŭniki tvorčaj elity, i nakidvajecca z krytykaj na Zianona Paźniaka i Vasila Bykava, «talenavitaha piśmieńnika, ale, na žal, nievylečna chvoraha na «zmaharyzm». Na dumku Uvarava, zroblena heta było, kab zaklejmavać Saviecki Sajuz i Stalina.
Prapahandyst śviadoma chłusić, što ŭ Kurapatach nibyta rasstrelvali «niamieckija fašysty». Heta piarečyć vysnovam šmatlikich śledstvaŭ, praviedzienych biełaruskaj prakuraturaj i vajskovaj prakuraturaj u 1980-ja, 1990-ja i 2000-ja hady — a jany vyjavili, što ŭ Kurapatach pachavanyja achviary stalinizmu.
Uvaraŭ zaklikaje vysłać ź Biełarusi dypłamataŭ, jakija nibyta ŭmiešvajucca va ŭnutranyja spravy krainy i raspalvajuć sacyjalnuju varažnieču. U tym liku i apostalskaha nuncyja Ante Joziča, jaki z arcybiskupam Stanieŭskim taksama naviedaŭ Kurapaty, bo «katalickaja carkva ŭ 2020 hodzie zaniała antydziaržaŭnuju pazicyju».
Nuncyj Jozič i arcybiskup Stanieŭski pamalilisia za zahinułych u Kurapatach i Traściancy
U kancy svaho artykuła prapahandyst patrabuje «ad imia biełarusaŭ» pravieści ekshumacyju reštkaŭ achviar Kurapataŭ i pierazachavać ich.
Kamientary