Vy atrymlivajecie cikavuju stravu ŭsiaho ź niekalkich zvyčajnych inhredyjentaŭ. Pryčym dla hatavańnia možna vykarystoŭvać astatki ŭčarašniaha rysu.
Fota: Wall Street Journal
Alej, u jakim smažyŭsia časnok, vielmi duchmiany. Kali na takim alei dalej absmažyć rys i jajki, jany nabuduć apietytny vodar (pa anałohii z tym, jak hatujuć pastu z krevietkami). Rys možna brać i śviežazvarany, i ŭčarašni. Tolki treba, kab jon byŭ suchi, kab paśla absmažvańnia staŭ chrumstki, u hetym «fiška» stravy.
Čas hatavańnia: 30 chvilin
Inhredyjenty:
- vosiem tonka narezanych zubkoŭ časnaku,
- trochi rafinavanaha aleju,
- sol,
- try porcyi varanaha biełaha abo karyčnievaha rysu, astudžanaha i padsušanaha,
- dźvie čajnyja łyžki kunžutnaha aleju (fakultatyŭna),
- čorny pierac,
- čatyry vialikija ci šeść małych jajek,
- kubak bujna narezanaj kinzy,
- aramatyčny vocat dla sierviroŭki (na vaš hust)
- možna trochi nie horkaj cybuli, na smak.
Recept:
- Pakładzicie drobnaje sita na nievialikuju misku i pastaŭcie jaje pobač ź plitoj.
- Nalicie alej u vialikuju patelniu i pastaŭcie na siaredni ahoń. Kińcie ŭ alej časnok.
- Hatujcie try-piać chvilin, časta patresvajučy patelniu, pakul časnok nie stanie źlohku załacistym i chrumstkim.
- Pracadzicie alej praź sita ŭ misku. Vysypcie časnočnyja čypsy na nievialikuju talerku i pasypcie sollu.
- Vylicie pałovu časnočnaha aleju nazad u patelniu i pastaŭcie na siaredni ahoń.
- Dadajcie rys i kunžutny alej, źmiašajcie.
- Zapraŭcie sollu i dastatkovaj kolkaściu piercu, potym dajcie rysu padsmažycca, nie miašajučy — try-čatyry chviliny.
- Jak tolki rys pačnie skvarčeć, pieramiašajcie jaho, smažcie, pakul u im nie źjavicca bolš załacistych chrumstkich rysinak, heta značyć, jašče dźvie-try chviliny.
- Pierakładzicie rys na talerki.
- Vytrycie patelniu, ulicie druhuju pałovu časnočnaha aleju i pastaŭcie na siaredni ahoń.
- Raźbicie jajki ŭ patelniu (aściarožna, jany buduć mocna skvarčeć!).
- Pasalicie kožnaje jajka i smažcie, trochu kruciačy patelniu, kab zabiaśpiečyć raŭnamiernaje zapiakańnie. Varta smažyć, pakul pa krai nie źjavicca chrustkaja skarynačka, białki nie zastynuć, a žaŭtki zastanucca vadkimi, što zajmaje try-piać chvilin.
- Dadajcie trochi vocatu da smažanaha rysu. Pasypcie źvierchu kinzoj i smažanym časnakom.
- Źvierchu vykładzicie jajki i padavajcie da stała.
Ciapier čytajuć
Zakančvajecca termin daŭniny pa narodnym pratesnym artykule. Bolš nikoha nie pasadziać? Nie, jość niuansy11
Kamientary