Były palitviazień Arciom Dubski nie vychodzić na suviaź paśla vykliku ŭ KDB
Były palitviazień Arciom Dubski, brat pryznanaha palitviaźniem Illi Dubskaha, nie vychodzić na suviaź paśla zajavy ab źbićci siłavikami i vykliku ŭ KDB 12 traŭnia. Pra heta paviedamlaje pravaabarončaja vałanciorskaja hrupa MAYDAY.
Arciom Dubski — čałaviek z daŭniaj apazicyi režymu Łukašenku, adzin ź lidaraŭ Maładoha Frontu ŭ Asipovičach u druhoj pałovie 2010-ch. Tady ž jon byŭ i palitviaźniem, adbyŭšy ŭ 2009—2010 hadach hod u kałonii za ŭdzieł u akcyjach pratestu pradprymalnikaŭ 2008 hoda i za toje, što paśla źjechaŭ z krainy, kab nie adbyvać palityčnaje pakarańnie (pieršapačatkova byŭ asudžany na 2 hady ŭmoŭna). Paśla vyzvaleńnia vyjechaŭ za miažu, z 2011 hoda žyŭ u Polščy.
Jak pišuć pravaabaroncy, Dubski pryjechaŭ z Polščy ŭ Asipovičy, kab praviedać svaju siamju. 11 maja jon razam sa svajakami pajechaŭ u Minsk, dzie byłoha palitviaźnia na vychadzie z HC «Na Niamizie» zatrymali i źbili «bajcy ŭ maskach».
«Kali vychodzili z budynka, da nas padbiehli šeść ci siem bajcoŭ u maskach, vyrvali z maich ruk telefon, pavalili na ziamlu, źbili, zakavali ŭ kajdanki i zakinuli ŭ mašynu», — raskazaŭ Dubski.
Pavodle infarmacyi MAYDAY, u viedamstvie Dubskamu paviedamili, što pryčynaj zatrymańnia stała jaho «acenačnaje mierkavańnie ab tym, što hramadzianin Biełarusi, jaki znachodzicca ŭ Polščy — Siarhiej Vasiljeŭ — źjaŭlajecca ahientam KDB RB».
«Z sakavika 2011 hoda pa maj 2019-ha na pastajannaj asnovie ja pražyvaŭ u Polščy. Prykładna čatyry hady tamu, u 2018-m, tam ža mieŭ niaščaście paznajomicca z čałaviekam, jaki pradstaviŭsia Siarhiejem Vasiljevym. Ja napisaŭ zajavu [polskim pravaachoŭnikam] ab tym, što hety čałaviek, vierahodna, maje niejkaje dačynieńnie da biełaruskich śpiecsłužbaŭ: u mianie byli padstavy tak mierkavać», — raskazaŭ były palitviazień.
Dubskamu prapanavali zastacca na «słužbovaj kvatery» na noč, kab 12 maja jon znoŭ źjaviŭsia ŭ KDB na «apieratyŭna-vyšukovyja mierapryjemstvy». Kali toj admoviŭsia, supracoŭniki KDB začytali na kamieru pozvu ab nieabchodnaści jaŭki ŭ jakaści asoby, u dačynieńni da jakoj pravodziacca apieratyŭna-vyšukovyja mierapryjemstvy.
Kali Dubski viartaŭsia ŭ Asipovičy paśla dopytu, za im išła mašyna z tryma «ludźmi ŭ maskach», raskazvaŭ były palitviazień.
Jahony znajomy raskazaŭ vydańniu, što 12 maja Dubski tak i nie trapiŭ u Minsk: niedzie apoŭdni jaho zatrymali ŭ Asipovičach. Dzie jon znachodzicca, nieviadoma.
«Da mašyny, jakaja sačyła za imi, dałučyŭsia bus. Arciom vyjšaŭ na vulicu, i jaho «skrucili». Siastra telefanavała ŭ RAUS, tam skazali što jon u KDB «u haściach», — skazaŭ znajomy Dubskaha.
«Zajava ŭ 102 ab źniknieńni čałavieka tołku nie pryniesła — MUS śćviardžaje, što nie viedajuć, dzie Arciom. Najaŭnaść Dubskaha admaŭlajuć u KDB, u CIP na Akreścina i ŭ SIZA», — paviedamlaje MAYDAY.
Kamientary