«Heta akt vajny»: kanhresmien ZŠA zajaviŭ, što Rasija atakavała NATA
Kanhresmien-respublikaniec, člen kamiteta Pałaty pradstaŭnikoŭ ZŠA pa ŭzbrojenych siłach Džo Uiłsan zajaviŭ, što rasijskaja ataka dronaŭ na Polšču — heta padstava dla administracyi Donalda Trampa nieadkładna ŭvieści žorstkija sankcyi suprać Kramla i ŭzmacnić vajennuju padtrymku Ukrainy.
«Rasija atakuje člena NATA Polšču iranskimi dronami mienš čym praz tydzień paśla taho, jak prezident Tramp pryniaŭ prezidenta [Polščy] Naŭrockaha ŭ Biełym domie. Heta akt vajny, i my ŭdziačnyja sajuźnikam pa NATA za ich chutkuju reakcyju na niespravakavanuju ahresiju vajskovaha złačyncy Pucina suprać svabodnych narodaŭ», — napisaŭ jon.
Kanhresmien zaklikaŭ prezidenta ZŠA Donalda Trampa ŭvieści sankcyi, jakija mahli b paralizavać rasijskuju vajennuju mašynu, a taksama dać Ukrainie sučasnaje ŭzbrajeńnie dla ŭdaraŭ pa terytoryi Rasii.
Jon adznačyŭ, što Pucin bolš nie abmiažoŭvajecca tolki vajnoj va Ukrainie, a ciapier «naŭprost vypraboŭvaje našu rašučaść na terytoryi NATA».
«Pucin zajaviŭ, što «Rasija nie viedaje miežaŭ». Svabodnyja i kvitniejučyja nacyi navučać Rasiju, što takoje miežy», — dadaŭ jon.
Unačy 10 vieraśnia pavietranuju prastoru Polščy atakavali rasijskija bieśpiłotniki. Chacia ŭ aficyjnych paviedamleńniach spačatku było ŭkazana tolki toje, što aeraporty začynienyja «ŭ vyniku niezapłanavanaj vajennaj aktyŭnaści ŭ ramkach zabieśpiačeńnia biaśpieki dziaržavy».
Polskaje apieratyŭnaje kamandavańnie paviedamiła, što ŭ pavietra byli padniatyja nie tolki polskija źniščalniki, ale i samaloty inšych krain-sajuźnikaŭ. U stan najvyšejšaj hatoŭnaści byli pryviedzieny naziemnyja siły SPA.
Polšča źbiraje ekstrannuju radu biaśpieki.
Ciapier čytajuć
«Źnik bieź źviestak» vielmi małady biełaruski najomnik12
«Źnik bieź źviestak» vielmi małady biełaruski najomnik
Na Afonie adšukali try nieviadomyja raniej asobniki Astrožskaj Biblii. Dla jaje stvareńnia drukar Ivan Fiodaraŭ, vychadziec ź Biełarusi, vykarystoŭvaŭ teksty Skaryny77
Kamientary