Pavietranuju prastoru Polščy parušyli šmatlikija bieśpiłotniki. Zakryvalisia aeradromy, drony źbivała avijacyja NATA
Biesprecedentnaje parušeńnie polskaj pavietranaj prastory. Adzin z dronaŭ upaŭ na žyły dom u Lublinskim vajavodstvie. Apieratyŭnaje kamandavańnie Uzbrojenych sił Polščy aficyjna paćvierdziła parušeńnie pavietranaj prastory krainy i zaklikała ludziej da zaviaršeńnia vajennaj apieracyi zastavacca doma. U Varšavie śpiešna sabrałasia kiraŭnictva krainy.
Namieśnik ministra abarony Polščy Cezary Tomčyk napisaŭ: «Źviartajem uvahu, što padčas siońniašniaha napadu Rasijskaj Fiederacyi, jakaja nanosić udary pa abjektach, raźmieščanych na terytoryi Ukrainy, naša pavietranaja prastora nieadnarazova parušałasia abjektami typu bieśpiłotnik».
Pa zahadzie kamandujučaha Apieratyŭnaha štaba US Polščy było ŭžyta ŭzbrajeńnie, praciahvajecca pošuk źbitych dronaŭ.
«Padkreślivajem, što vajennaja apieracyja praciahvajecca i zaklikajem zastavacca doma. U najbolšaj niebiaśpiecy znachodziacca Padlaskaje, Mazavieckaje i Lublinskaje vajavodstvy. Apieratyŭnaje kamandavańnie US Polščy manitoryć situacyju, a padparadkavanyja siły i srodki znachodziacca ŭ poŭnaj hatoŭnaści da nieadkładnaha reahavańnia», — napisaŭ Tomčyk.
❗️Uwaga, w trakcie dzisiejszego ataku Federacji Rosyjskiej wykonującej uderzenia na obiekty znajdujące się na terytorium Ukrainy, nasza przestrzeń powietrzna została wielokrotnie naruszona przez obiekty typu dron.
Trwa operacja, której celem jest identyfikacja i neutralizacja… pic.twitter.com/M3FtG8Tg53
Na praciahły čas spyniali pryjom samalotaŭ aeraporty Varšava, Modlin, Lublin i Rašaŭ (Žešuŭ).
Paviedamlajecca, što adzin z dronaŭ upaŭ na žyły dom u Lublinskim vajavodstvie, adnak abyšłosia biez achviar.
Polšča padniała pa tryvozie siły terytaryjalnaj abarony i palicyju.
Usie rasijskija drony, jakija parušyli pavietranuju prastoru Polščy, byli źbityja, paviedamili ŭ apieratyŭnym kamandavańni.
Polskija vajskoŭcy padziakavali za dapamohu Pavietranamu kamandavańniu NATA i Karaleŭskim pavietranym siłam Niderłandaŭ, čyje źniščalniki F-35 dapamahali zabiaśpiečvać biaśpieku ŭ polskim niebie.
Ciapier idzie pošuk miescaŭ padzieńnia abłomkaŭ.
Siońniašniaja situacyja biesprecedentnaja: upieršyniu drony, jakija parušyli pavietranuju prastoru krainy NATA, źbivała avijacyja.
Ciapier čytajuć
Stali viadomyja žachlivyja abstaviny śmierci byłoha vučonaha sakratara Instytuta historyi. Jamu było 45 hadoŭ3
Stali viadomyja žachlivyja abstaviny śmierci byłoha vučonaha sakratara Instytuta historyi. Jamu było 45 hadoŭ
Jaje nie chacieli brać u muzyčnuju škołu, a ŭ 14 jana syhrała ŭ Karniehi-chole ŭ Ńju-Jorku. Biełaruskaja skrypačka — pra žyćcio ŭ Łondonie, zarobki i čym skrypka Stradyvary za 14 miljonaŭ jeŭra adroźnivajecca ad zvyčajnaj1313
Jaje nie chacieli brać u muzyčnuju škołu, a ŭ 14 jana syhrała ŭ Karniehi-chole ŭ Ńju-Jorku. Biełaruskaja skrypačka — pra žyćcio ŭ Łondonie, zarobki i čym skrypka Stradyvary za 14 miljonaŭ jeŭra adroźnivajecca ad zvyčajnaj13
Natalla Kalehava raskazała pra dapamohu biełaruskim uciekačam, svaju siamju, staŭleńnie da Cichanoŭskaj. I patłumačyła, chto takija «babry» i «zajcy»4343
Kamientary