U Krupkach prosty budaŭnik na abiedzie praniźliva syhraŭ na pijanina i sabraŭ miljon prahladaŭ VIDEA
Rabočy vykanaŭ lehiendarny saŭndtrek na sapsavanym instrumiencie i zavajavaŭ TikTok.
U Krupkach budaŭnik u pierapynku syhraŭ na pijanina i skaryŭ tyktok. Mužčyna vykanaŭ lehiendarnuju miełodyju Enia Marykonie z kultavaha filma «Prafiesijanał» prosta ŭ pamiaškańni, dzie rabiŭ ramont.
Vidavočna, mužčyna vučyŭsia hrać na instrumiencie. Jamu zusim nie pieraškodziła toje, što pijanina było nie nastrojena. Atrymaŭsia nastolki kranalny rolik, što jon nabraŭ miljon prahladaŭ.
«Vo takija ŭ nas budaŭniki ŭ Krupkach jość», — prakamientavaŭ nievialiki kancert kaleha pijanista.
Hledačy zastalisia ŭ poŭnym zachapleńni. Kamientatary, kolkaść jakich pieravysiła try tysiačy, adznačajuć tonkaje pačućcio muzyki ŭ budaŭnika. I skardziacca, što takija ludzi nie praryvajucca na scenu. Voś tolki niekalki vodhukaŭ:
«Realii žyćcia. Jamu nie na budoŭli pracavać treba, a ŭ muzyčnaj škole. Ale što zrabić, kali tam nie płaciać».
«Heta nie prosta technika. U čałavieka pryhožaja duša, tamu tak arhanična hučyć».
«Architektura — heta muzyka, zastyhłaja ŭ kamieni! Budaŭnik, jaki nie viedaje muzyki, tolki Minsk-Śviet pabudavać zmoža…»
«Hetyja ruki nie pavinny rabić hrubuju pracu. Hetyja palcy treba bierahčy, jak darahuju kaštoŭnaść».
«Škada, što talenavityja chłopcy zastajucca niezaŭvažanymi i biez hodnaj pracy! Pośpiechaŭ tabie, maestra!»
«Słoŭ niama. Škada, što čałavieku, jaki ŭkłaŭ stolki sił i času ŭ navučańnie, davodzicca pracavać na budoŭli. Budaŭniki taksama važnyja i chleb u ich nie lohki. Ale vielmi škada…»
«Ja była śviedkaj, jak nastaŭnik u muzyčnaj škole havaryŭ chłopčyku: «Vučysia, kali nie chočaš pracavać na budoŭli. Atrymlivajecca, chłopčyk vučyŭsia ŭ muzyčnaj škole, a pracuje na budoŭli».
Kamientary