Vyzvalenyja z departacyjaj 52 palitviaźni. Statkievič admoviŭsia pakinuć Biełaruś i viarnuŭsia
U Biełarusi paśla čarhovaha vizitu amierykanskaj delehacyi vyzvalenyja 38 palitviaźni i 14 hramadzian inšych krain. Vyzvalenych adrazu departavali ŭ Litvu. Eks-kandydat u prezidenty Mikałaj Statkievič admoviŭsia vyjazdžać. NIE vyzvalenyja ni Aleś Bialacki, ni Maryja Kaleśnikava, ni Pavał Sieviaryniec, ni Andrej Pačobut, ale siarod vyzvalenych niamała viadomych ludziej. Siarod vypuščanych na svabodu — u tym liku vialikaja hrupa byłych žurnalistaŭ «Biełsata».
Prezident Litvy Hitanas Naŭsieda pieršym paviedamiŭ, što z-za krataŭ Biełaruś vyzvaliła 52 palityčnych źniavolenych: jak biełarusaŭ, tak i hramadzian zachodnich krain, u tym liku šeść hramadzian Litvy.
Pavodle jaho słoŭ, siarod vyzvalenych — «dziejačy apazicyi, žurnalisty, udzielniki pratestaŭ i hramadzianie zamiežnych dziaržaŭ».
«Toje, što adbyłosia, — heta vielizarny dypłamatyčny pośpiech dla Amieryki i ŭsich nas», — skazaŭ Naŭsieda.
Pavodle Biełta, usiaho pamiłavany 14 zamiežnych hramadzian: 6 ź ich — hramadzianie Litvy, pa dvoje — Łatvii, Polščy i Hiermanii, adzin hramadzianin Francyi i adzin — Vialikabrytanii.
Pres-sakratarka Łukašenki Natalla Ejsmant paćvierdziła infarmacyju pra 52 vyzvalenych čałaviek. Pavodle jaje słoŭ, Łukašenka pamiłavaŭ viaźniaŭ, «zychodziačy z pryncypaŭ humanizmu», «uličvaŭsia taksama ŭzrost asudžanych, stan zdaroŭja, pytańni ŭźjadnańnia siemjaŭ».
Jana dadała, što ŭsie pamiłavanyja siońnia pakinuli terytoryju Biełarusi. Adnak u realnaści, jak vyjavicca, heta było nie tak.
Palitviaźniaŭ pryvieźli na miažu kałonaj aŭtobusaŭ — praŭładnyja telehram-kanały apublikavali videa.
Pieršym čałaviekam, pra vyzvaleńnie jakoha stała siońnia viadoma, — Alena Ramanaŭskienie z sanatoryja «Biełaruś» u Druskienikach. Reč u tym, što jana jak hramadzianka Litvy adrazu pierasiekła miažu, tady jak biełarusam stavili vizy prosta na hranicy.
Jana była zahadčycaj markietynhavaj słužby sanatoryja. Jaje abvinavačvali ŭ špijanažy i asudzili na 6 hadoŭ.
Hučnaj navinoju stała toje, što Mikoła Statkievič na svabodzie. Kandydata ŭ prezidenty — 2010 utrymlivali ŭ režymie inkamunikada ŭ hłybockaj kałonii dla recydyvistaŭ. Jon byŭ aryštavany jašče da vybaraŭ — 2020.
Ale paźniej źjaviłasia infarmacyja, što Statkievič staić na niejtralnaj pałasie pamiž Biełaruśsiu i Litvoj i admaŭlajecca departavacca.
69-hadovaha eks-kandydata ŭ prezidenty apošnija 2 hady i 7 miesiacaŭ trymali ŭ režymie inkamunikada ŭ turmie Hłybokaha, ad jaho nie było ni słova, ni viestački.
Taksama vyzvalili fiłosafa Uładzimira Mackieviča, jaki z 2021 hoda adbyvaŭ prysudžany jamu 5-hadovy termin.
Siarod vyzvalenych — anarchist Mikoła Dziadok, asudžany na 5 hadoŭ pazbaŭleńnia voli ŭ turmie va ŭmovach strohaha režymu.
Vyzvaleny taksama Ihar Łosik — zasnavalnik kanała «Biełaruś hałaŭnoha mozhu», adzin z samych talenavitych błohieraŭ krainy, pravioŭ za kratami bolš za 5 hadoŭ. A prysudzili jamu ŭvohule 15 hadoŭ. Ihar pieražyŭ siamiejnuju dramu — u 2022-m aryštavali jaho žonku Darju. Padčas źniavoleńnia jana vyrašyła raźvieścisia ź Iharam.
Vyzvalili i redaktarku «Biełsata» Irynu Słaŭnikavu. Jana praviała za kratami amal čatyry hady. Dastać jaje z zakładnikaŭ udałosia tolki za paŭhoda da vyzvaleńnia.
Na voli — viadomy hrodzienski žurnalist Pavieł Mažejka. Jaho zatrymali 30 žniŭnia 2022 hoda i asudzili na 6 hadoŭ pazbaŭleńnie voli ŭ kałonii va ŭmovach uzmocnienaha režymu.
Siarod vyzvalenych palitviaźniaŭ — 73-hadovy prafsajuzny lidar Alaksandr Jarašuk. Jaho asudzili 4 hady kałonii ahulnaha režymu.
Vyzvaleny viadomy aktyvist Źmicier Daškievič.
U śpisach vyzvalenych błohier Dźmitryj Kazłoŭ, Šery kot. Jon adbyvaŭ pakarańnie ŭ kałonii dla recydyvistaŭ u Mazyry.
Viadomy aktyvist Pavieł Vinahradaŭ na svabodzie.
Vyzvalena homielskaja žurnalistka Łarysa Ščyrakova.
Hrodzienskaja piensijanierka Halina Dzierbyš z hrupy Mikoły Aŭtuchoviča taksama vyzvalenaja.
Na svabodzie homielski žurnalist Jaŭhien Mierkis.
U śpisie pamiłavanych Siarhiej Sparyš, paplečnik Mikoły Statkieviča.
Na svabodzie palityk Dźmitryj Kučuk, lidar Partyi zialonych.
Redaktar maładziečanskaj Rehijanalnaj haziety Alaksandr Mancevič vyzvaleny.
Vyzvalena bresckaja žurnalistka Alena Cimaščuk.
Na svabodzie jevanhielski prapaviednik Mikałaj Chiła.
Adpuścili žurnalista Paŭła Padabieda.
Videaapieratar Viačasłaŭ Łazaraŭ vyjšaŭ na svabodu z mahiloŭskaj kałonii.
Vyzvalili palitviaźnia Jaŭhiena Afnahiela, kaardynatara «Jeŭrapiejskaj Biełarusi».
Na svabodzie Illa Dubski z Asipovičaŭ.
Vyzvaliŭsia 63-hadovy inžynier Andrej Kryłoŭ z Vaŭkavyska.
Pavieł Nikicienka pryjechaŭ na miažu z babrujskaj kałonii. Rabotnik raźlikova-daviedkavaha centra ź Viciebska atrymaŭ čatyry z pałovaj hady źniavoleńnia.
Siarod vyzvalenych Vital Bandaruk z Kamianieckaha rajona.
Jakaŭ Šafarenka z Bresta byŭ asudžany za «masavyja biesparadki». Ciapier jon na svabodzie.
Minčuk Jaŭhien Siamionaŭ siadzieŭ pa šerahu palityčnych artykułaŭ, a taksama za ŭchileńnie ad chatniaj chimii pa narkatyčnym 328 artykule.
Hleb Hładkoŭski byŭ zatrymany ŭ Breście za kamientary pra zahinułaha kadebista. Jon viadomy arhanizatar aerazdymak kvadrakoptarami.
Cviatasłaŭ Šubič byŭ u škłoŭskaj kałonii. Jon asudžany pa palityčnych artykułach, a taksama pa narkatyčnym.
Andrej Ściepańkoŭ z Rahačoŭskaha rajona byŭ asudžany pa 10 palityčnych artykułach.
Andrej Chvieskaviec ź Pinska byŭ udzielnikam paślavybarčych padziej u svaim horadzie.
NIE vyzvalenyja ni Aleś Bialacki, ni Maryja Kaleśnikava, ni Pavał Sieviaryniec, ni Andrej Pačobut.
Poŭny śpis palitviaźniaŭ i zamiežnych hramadzian, vyzvalenych u Biełarusi 11 vieraśnia 2025 hoda
1. Statkievič Mikałaj Viktaravič, 12.08.1956 h. n.
2. Mackievič Uładzimir Uładzimiravič, 14.05.1956 h. n.
3. Fiadynič Hienadź Fiodaravič, 31.07.1957 h. n.
4. Jarašuk Alaksandr Iljiič, 16.11.1951 h. n.
5. Dziadok Mikałaj Alaksandravič, 03.08.1988 h. n.
6. Kučuk Dźmitryj Leanidavič, 20.03.1974 h. n.
7. Daškievič Źmicier Viačasłavavič, 20.07.1981 h. n.
8. Afnahiel Jaŭhien Jurjevič, 07.02.1979 h. n.
9. Vinahradaŭ Pavieł Jurjevič, 24.04.1988 h. n.
10. Viniarski Maksim Alaksandravič, 28.07.1981 h. n.
11. Vojnič Andrej Siarhiejevič, 15.04.1981 h. n.
12. Sparyš Siarhiej Siarhiejevič, 11.07.1986 h. n.
13. Dzierbyš Halina Ivanaŭna, 05.08.1961 h. n.
14. Łosik Ihar Alaksandravič, 20.05.1992 h. n.
15. Mažejka Pavieł Ivanavič, 25.05.1978 h. n.
16. Mancevič Alaksandr Barysavič, 05.08.1958 h. n.
17. Cimaščuk Alena Piatroŭna, 26.06.1993 h. n.
18. Słaŭnikava Iryna Alaksandraŭna, 12.07.1970 h. n.
19. Ščyrakova Łarysa Fiodaraŭna, 13.04.1973 h. n.
20. Padabied Pavieł Vasiljevič, 13.05.1979 h. n.
21. Łazaraŭ Viačasłaŭ Dźmitryjevič, 29.08.1976 h. n.
22. Mierkis Jaŭhien Alaksandravič, 08.11.1986 h. n.
23. Chiło Mikałaj Mikałajevič, 17.10.1983 h. n.
24. Dubski Illa Siarhiejevič, 23.03.1997 h. n.
25. Kryłoŭ Andrej Maksimavič, 15.10.1962 h. n.
26. Kazłoŭ Dźmitryj Alehavič, 26.04.1988 h. n.
27. Nikicienka Pavieł Michajłavič, 04.03.1987 h. n.
28. Bandaruk Vital Siarhiejevič, 18.02.1975 h. n.
29. Šafarenka Jakaŭ Alaksandravič, 26.04.2000 h. n.
30. Siamionaŭ Jaŭhien Vitaljevič, 04.03.1986 h. n.
31. Hładkoŭski Hleb Uładzimiravič, 06.05.1985 h. n.
32. Šubič Śviatasłaŭ Jurjevič, 16.10.1991 h. n.
33. Ściepańkoŭ Andrej Leanidavič, 05.12.1980 h. n.
34. Chvieskaviec Andrej Siarhiejevič, 27.12.1997 h. n.
35. Silenka Alaksiej Dźmitryjevič, 22.07.1989 h. n.
36. Ciapciejeŭ Ihar Alaksiejevič, 29.07.1986 h. n.
37. Ułasienka Viktar Valerjevič, 05.05.1987 h. n.
38. Ryzapur Cimur Nabi ahły, 14.03.1983 h. n.
Zamiežnyja hramadzianie
Vialikabrytanija:
39. Fienier Julija Michajłaŭna, 15.02.1973 h. n.
Litva:
40. Ramanaŭskienie Alena, 31.12.1964 h. n.
41. Čarniacievas Eduardas, 27.06.1987 h. n.
42. Kavalčuk Dźmitryj, 12.03.1987 h. n.
43. Rymkus Tomas, 03.10.1980 h. n.
44. Sakałoŭskaja Danuta, 10.03.1975 h. n.
45. Rychcer Hienadź, 29.04.1970 h. n.
Łatvija:
46. Šumas Ivars, 17.11.1989 h. n.
47. Asars Emiłs, 18.09.2001 h. n.
Polšča:
48. Zanievič Kšyštaf, 06.08.1986 h. n.
49. Jezutak Tomaš Jacak, 12.09.1979 h. n.
Hiermanija:
50. Fos Karsten, 21.03.1964 h. n.
51. Šmit Valdemar, 06.12.1982 h. n.
Francyja:
52. Rasander Maniuel, 22.02.1979 h. n.
Siońnia, 11 vieraśnia, Alaksandr Łukašenka sustreŭsia z pradstaŭnikom Trampa Džonam Koŭłam. Na sustrečy Łukašenka prapanavaŭ abmierkavać pytańnie «zakładnikaŭ» i zaklučyć «vialikuju ździełku».
Paśla sustrečy z Łukašenkam Džon Koŭł taksama zajaviŭ, što ZŠA chočuć viarnuć pasolstva ŭ Minsk. I heta, pavodle jaho słoŭ, «pytańnie najbližejšaj budučyni». Taksama jon abviaściŭ, što ZŠA zdymajuć sankcyi z «Biełavii».
Minuły raz paśla sustrečy z Kitam Kiełaham 21 červienia byli vyzvalenyja 14 palitviaźniaŭ na čale ź Siarhiejem Cichanoŭskim.
Finalistak konkursu «Mis Biełaruś — 2025» vyvieli na scenu ŭ kaściumach z cytatami Łukašenki19
Kamientary
dla bolšinstva pośle 3-5 let TAM, skošiennyje 2-3 miesiaca - prijatnaja miełoċ i nie boleje. a učityvaja, čto fiurier každyj dień nabirajet novych, to raźmien voobŝie nieravnocienien.