Siarod palitviaźniaŭ, vyzvalenych 11 vieraśnia — 73-hadovy prafsajuzny lidar Alaksandr Jarašuk.
Alaksandr Jarašuk — staršynia Biełaruskaha kanhresu demakratyčnych prafsajuzaŭ, jaki abjadnoŭvaŭ niekalki niezaležnych prafiesijnych sajuzaŭ: Svabodny prafsajuz Biełaruski (SPB), Svabodny prafsajuz mietalistaŭ (SPM), Biełaruski prafsajuz rabotnikaŭ radyjoelektronnaj pramysłovaści (REP) i Biełaruski niezaležny prafsajuz (BNP).
Jarašuk naradziŭsia ŭ Kamianieckim rajonie, pracavaŭ u sielskaj haspadarcy, da 1991 hoda pracavaŭ u roznych haspadarkach Bresckaj vobłaści.
U 1991 hodzie staŭ zahadčykam adździeła ahrarnaj palityki CK KPB, zatym — namieśnikam načalnika hałoŭnaha ŭpraŭleńnia Ministerstva sielskaj haspadarki i charčavańnia (1991—1996). U 1996—1998 byŭ pieršym namieśnikam staršyni Minskaha abłvykankama, u 1998—1999 — staršynioj abłasnoha kamiteta pryrodnych resursaŭ.
Z 1999 hoda ŭznačalvaŭ prafsajuz rabotnikaŭ APK u składzie FPB. U 2001 hodzie sprabavaŭ bałatavacca na prezidenta, ale nie byŭ zarehistravany.
Z 2002 hoda byŭ staršynioj Biełaruskaha kanhresa demakratyčnych prafsajuzaŭ, u 2011 hodzie abrany ŭ Administracyjny saviet Mižnarodnaj arhanizacyi pracy.
19 krasavika 2022 hoda doma ŭ Jarašuka i na jahonaj pracy prajšli vobšuki, jaho zatrymali i źmiaścili ŭ SIZA. Spačatku prafsajuznaha dziejača abvinavacili pa art. 342 KK (hrupavyja dziejańni, što parušajuć hramadski paradak), paźniej — pa art. 361 (zakliki da sankcyj).
20—26 śniežnia 2022 hoda ŭ Minskim haradskim sudzie adbyŭsia sud, dzie Jarašuk atrymaŭ 4 hady kałonii ahulnaha režymu. U sakaviku 2023 h. jaho pieraviali ŭ mahiloŭskuju turmu № 4, paśla — u kałoniju № 17 u Škłovie.
Ciapier čytajuć
Statkievič raskazaŭ, jak vyžyvaŭ u źniavoleńni. I čym zajmajecca ciapier1
Kamientary