Zasnavalnik kanała «Biełaruś hałaŭnoha mozhu», adzin z samych talenavitych błohieraŭ krainy, pravioŭ za kratami bolš za 5 hadoŭ. A prysudzili jamu ŭvohule 15 hadoŭ. Łosik pieražyŭ siamiejnuju dramu — u 2022-m aryštavali jaho žonku Darju. Padčas źniavoleńnia jana vyrašyła raźvieścisia ź Iharam.
Vyjšaŭ na svabodu adzin z najpapularniejšych błohieraŭ Biełarusi Ihar Łosik. Jaho, stvaralnika kanała «Biełaruś hałaŭnoha mozhu», aryštavali ŭ červieni 2020 hoda — jašče da pačatku pratestaŭ, — prysudzili da 15 hadoŭ źniavoleńnia i adpravili ŭ samuju žorstkuju kałoniju, navapołackuju.
33-hadovy Ihar Łosik rodam z Baranavičaŭ. Advučyŭsia na nastaŭnika zamiežnych moŭ u Baranavickim dziaržaŭnym univiersitecie, adnak realizavaŭ siabie pieradusim jak błohier.
Ihar staŭ viadomy jak stvaralnik sietki kanałaŭ «Biełaruś hałaŭnoha mozhu», u jakich u daścipnaj formie aśviatlaŭ naviny. Ź ciaham času jon sa svaimi prajektami dałučyŭsia da ekasistemy «Radyjo Svaboda», vakoł jakoj hurtavalisia mnohija błohiery.
Pa stanie na 2020 hod najbolšaja kolkaść padpisčykaŭ była ŭ telehramie ŭ «Biełarusi hałaŭnoha mozhu» i ŭ prajekta «Niechta», stvaralnik jakoha Ściapan Puciła znachodziŭsia ŭ Polščy.
A voś Łosik pa-raniejšamu žyŭ u Baranavičach. Tam jaho i aryštavali 25 červienia 2020 hoda. Doma zastalisia žonka Darja i maleńkaja dačka Paŭlina.
Łosika ŭklučyli ŭ «spravu Cichanoŭskaha», u jakoj sabrali błohieraŭ i samych niebiaśpiečnych dla Łukašenki palitykaŭ — Siarhieju Cichanoŭskamu prysudzili 18 hadoŭ kałonii, Mikołu Statkieviču — 14 hadoŭ, Iharu Łosiku — 15 hadoŭ.
U SIZA Ihar Łosik ładziŭ niekalki haładovak. Aproč taho, jon zaklikaŭ žonku Darju ŭsialak pryciahvać uvahu da svajho niezakonnaha aryštu. Jana ładziła haładoŭku salidarnaści, źviartałasia ź videazvarotam da Alaksandra Łukašenki, u jakim zajaviła, što hatovaja sieści ŭ turmu ŭzamien na vyzvaleńnie muža. Darja Łosik davała bieźlič intervju zamiežnym i biełaruskim niezaležnym miedyja. U vyniku ŭ kastryčniku 2022 hoda za heta aryštavali jaje samu. Intervju «Biełsatu» paličyli «sadziejničańniem ekstremisckaj dziejnaści» i prysudzili Darji 2 hady kałonii. Maleńkaja dačka zastałasia z babulami i dziadulami.
Padčas znachodžańnia za kratami Darja padała na razvod i viarnuła sabie dziavočaje proźvišča Łasiakova. U lipieni 2024 hoda Darja vyjšła pa pamiłavańni na miesiac raniej za pryznačany termin.
U krasaviku 2024 hoda byŭ aryštavany Mikita Łosik, brat Ihara. Jaho abvinavačvali pa «spravie Hajuna». Mikita atrymaŭ chatniuju chimiju i źjechaŭ ź Biełarusi.
Muzyka Cim Suładze: Roźnica 30 hadoŭ — toje, što adpaviadaje maim ujaŭleńniam pra adnosiny41
Kamientary
Kolleha po "bubkam". )))