Siarod vyzvalenych 11 vieraśnia palitviaźniaŭ — kaardynatar «Jeŭrapiejskaj Biełarusi» Jaŭhien Afnahiel.
46-hadovy Jaŭhien Afnahiel, kaardynatar hramadskaj kampanii «Jeŭrapiejskaja Biełaruś», znachodziŭsia za kratami z 25 vieraśnia 2020 hoda.
U svoj čas jon byŭ adnym sa stvaralnikaŭ i aktyŭnym udzielnikam apazicyjnaha ruchu «Zubr». Za svaju apazicyjnuju publičnuju dziejnaść nieadnarazova padviarhaŭsia represijam z boku ŭładaŭ: štrafam, administracyjnym aryštam, źbićciu, zapałochvańniam i cisku.
Paśla prezidenckich vybaraŭ 2010 hoda Jaŭhien Afnahiel doŭhi čas byŭ vymušany znachodzicca ŭ emihracyi, ale ŭ vyniku viarnuŭsia ŭ Biełaruś, dzie praciahnuŭ aktyŭnuju palityčnuju dziejnaść.
Apošni raz Afnahiel byŭ zatrymany 25 vieraśnia 2020 hoda ŭ miežach kryminalnaj spravy pa art. 293 KK («Udzieł u masavych biesparadkach»). Doma ŭ jaho praviali pieratrus, vyłamali dźviery. 1 kastryčnika jamu vystavili abvinavačańnie.
Sud u Mahilovie pa spravie siami palitviaźniaŭ prachodziŭ z 12 pa 25 maja 2021 hoda ŭ zakrytym režymie. Jaŭhien Afnahiel atrymaŭ na im 7 hadoŭ kałonii ŭzmocnienaha režymu.
U źniavoleńni na Afnahiela akazvaŭsia niaspynny cisk: jaho nieadnarazova źmiaščali ŭ štrafny izalatar (ŠIZA), abmiažoŭvali suviaź i atavarku, pieravodzili pamiž kałonijami i turmami. Padčas znachodžańnia ŭ kałonii ŭ jaho pahoršyŭsia zrok. Termin adbyvaŭ u Navapołackaj kałonii № 1, a ŭ 2024 hodzie jaho pieraviali ŭ PKT i turmu №4 u Mahilovie.
Ciapier čytajuć
Jak u halečy śpivałasia radnia Łukašenki? Małaviadomyja fakty45
Kamientary