Łukašenka na sustrečy z pradstaŭnikom prezidenta ZŠA prapanavaŭ abmierkavać pytańnie «zakładnikaŭ»
Pytańnie vyzvaleńnia šerahu asudžanych u Biełarusi asob abmiarkoŭvałasia na sustrečy Alaksandra Łukašenki z pradstaŭnikom prezidenta ZŠA Džonam Koŭłam, piša BiełTA.
«Słuchajučy niadaŭna Trampa, ja tak zrazumieŭ, z vašaj padačy, chutčej za ŭsio, jaho vielmi chvalujuć pytańni, jak jon skazaŭ, zakładnikaŭ abo jak tam… Palitźniavolenych i jašče niekaha…» — adznačyŭ jon.
— «Ja nie suprać. Davajcie abmiarkujem i hetuju temu — tak hłabalna. Heta jašče važna čamu — bo ŭ Jeŭropie, asabliva našy ŭciekačy (my ich tak nazyvajem), jany vielmi chočuć pryčapicca da hetaj temy. Nu, Krys (namieśnik pamočnika dziaržsakratara ZŠA Krystafier Śmit, jaki taksama prysutničaŭ na sustrečy), ty heta dobra viedaješ. Ja dobra prainfarmavany — ty ź imi viadzieš pieramovy i z nami».
«Dziakuj bohu. Heta vaša sprava — z kim vieści pieramovy. Ale ŭ suviazi z tym, što tut šmat usialakaj falšy, ja dumaju, što nam varta abmierkavać hetuju temu, zakranuć jaje. Ja vykažu vam svaju pazicyju. Jana ŭsim u Biełarusi viadomaja. My absalutna nie prychilniki taho, kab hetyja ludzi znachodzilisia ŭ papraŭčych kałonijach. Tym bolš, što jany nie za palityku asudžanyja. U nas takich artykułaŭ u Kryminalnym kodeksie niama. Kali Donaldu cikava (mabyć, nie vielmi), my možam jamu pa kožnym čałavieku pradstavić sutnaść jahonych pravaparušeńniaŭ i złačynstvaŭ,» — zajaviŭ Alaksandr Łukašenka.
«Ale ja hatovy abmierkavać hetuju temu. I kali Donald nastojvaje na tym, što jon hatovy zabrać da siabie ŭsich hetych vyzvalenych — Hospad z vami — davajcie pasprabujem vypracavać hłabalnuju ździełku. Jak lubić spadar Tramp (kazać), vialikuju ździełku. Jon tak heta nazyvaje. Tamu ščyra kažu — my tut ničoha nie chavajem. Davajcie i hetaje pytańnie abmiarkujem, chacia dla mianie jano absalutna nie hałoŭnaje. Dy i dla vas, napeŭna, taksama. Chapaje ŭ śviecie prablem,» — dadaŭ Łukašenka.
Ciapier čytajuć
Z prajekta budaŭnictva minskaha mietro vykinuli jašče dźvie stancyi — «Kijeŭski skvier» i «Politechničnuju»5
Z prajekta budaŭnictva minskaha mietro vykinuli jašče dźvie stancyi — «Kijeŭski skvier» i «Politechničnuju»
Aktor Toŭścikaŭ: Na pakazie, kali pryjšli zbolšaha rasijskija hledačy — publika śmiajałasia. A kali byli biełarusy, Cichanoŭskaja — stajała poŭnaja cišynia11
Kamientary
Ha?
Nu tak vaźmi, zadarma!
Nu nie prypłačvać ža mnie, kab ty ich zabraŭ!