Jana praviała za kratami amal čatyry hady. Dastać jaje z zakładnikaŭ udałosia tolki za paŭhoda da vyzvaleńnia.
Na momant aryštu ŭ kastryčniku 2021 hoda Iryna Słaŭnikava ličyłasia štatnaj supracoŭnicaj Polskaha telebačańnia (TVP). Jaje razam z mužam Alaksandram Łojkam zatrymali ŭ aeraporcie ŭ Minsku paśla viartańnia z adpačynku ŭ Jehipcie.
Spačatku im prysudzili pa 15 sutak za zachoŭvańnie «ekstremisckich materyjałaŭ», paśla abvinavacili ŭ drobnym chulihanstvie i dali jašče pa 15 sutak. Alaksandra Łojku pa skančeńni hetaha terminu vyzvalili, a na Irynu zaviali kryminalnuju spravu za ŭdzieł u pratestach.
Paśla ŭ abvinavačvańnie dadali «kiravańnie ekstremisckim farmavańniem». Śledčyja paličyli, što Słaŭnikava kiravała ofisam «Biełsata» ŭ Minsku.
Prakuror patrabavaŭ čatyry hady źniavoleńnia, ale sudździa Mikałaj Dola pryznačyŭ redaktarcy navat bolš — piać hadoŭ. Jaje termin musiŭ skančvacca ŭ mai 2026 hoda.
Iryna Słaŭnikava naradziłasia ŭ 1970-m u Homieli ŭ siamji vajskoŭca. Pavodle adukacyi jana ekanamist, skončyła Biełaruski dziaržaŭny ekanamičny ŭniviersitet, pracavała ekanamistam u kamiercyjnych firmach. U siaredzinie 1990-ch trapiła na pasadu buchhałtarki ŭ hazietu «Biełaruskaja maładziožnaja» i pastupova zachapiłasia žurnalistykaj.
U pačatku 2000-ch Iryna źjechała z baćkami ŭ Hiermaniju, ale vytrymała tam tolki hod i viarnułasia ŭ Biełaruś.
Kali adkryŭsia «Biełsat», Słaŭnikava pajšła pracavać tudy.
Vyzvalili redaktarku «Biełsata» Irynu Słaŭnikavu Jana praviała za kratami amal čatyry hady. Dastać jaje z zakładnikaŭ udałosia tolki za paŭhoda da vyzvaleńnia.
Ciapier čytajuć
«Dla biełaruskich uładaŭ ja, chutčej, mahčymaść, a nie pahroza». Kaleśnikava dała vialikaje intervju Zołatavaj79
Kamientary