Яна правяла за кратамі амаль чатыры гады. Дастаць яе з закладнікаў удалося толькі за паўгода да вызвалення.
На момант арышту ў кастрычніку 2021 года Ірына Слаўнікава лічылася штатнай супрацоўніцай Польскага тэлебачання (TVP). Яе разам з мужам Аляксандрам Лойкам затрымалі ў аэрапорце ў Мінску пасля вяртання з адпачынку ў Егіпце.
Спачатку ім прысудзілі па 15 сутак за захоўванне «экстрэмісцкіх матэрыялаў», пасля абвінавацілі ў дробным хуліганстве і далі яшчэ па 15 сутак. Аляксандра Лойку па сканчэнні гэтага тэрміну вызвалілі, а на Ірыну завялі крымінальную справу за ўдзел у пратэстах.
Пасля ў абвінавачванне дадалі «кіраванне экстрэмісцкім фармаваннем». Следчыя палічылі, што Слаўнікава кіравала офісам «Белсата» ў Мінску.
Пракурор патрабаваў чатыры гады зняволення, але суддзя Мікалай Доля прызначыў рэдактарцы нават больш — пяць гадоў. Яе тэрмін мусіў сканчвацца ў маі 2026 года.
Ірына Слаўнікава нарадзілася ў 1970-м у Гомелі ў сям’і вайскоўца. Паводле адукацыі яна эканаміст, скончыла Беларускі дзяржаўны эканамічны ўніверсітэт, працавала эканамістам у камерцыйных фірмах. У сярэдзіне 1990-х трапіла на пасаду бухгалтаркі ў газету «Беларуская маладзёжная» і паступова захапілася журналістыкай.
У пачатку 2000-х Ірына з’ехала з бацькамі ў Германію, але вытрымала там толькі год і вярнулася ў Беларусь.
Калі адкрыўся «Белсат», Слаўнікава пайшла працаваць туды.
Вызвалілі рэдактарку «Белсата» Ірыну Слаўнікаву Яна правяла за кратамі амаль чатыры гады. Дастаць яе з закладнікаў удалося толькі за паўгода да вызвалення.
Цяпер чытаюць
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х55
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х5
Сумленне, каханне, колы пекла і галівудскі фінал. У сям’і будаўніка і бібліятэкаркі з Пружанскага раёна Ігара і Юліі Лаптановічаў арыштавалі спачатку яго, пасля — яе, а пасля і бабулю33
Каментары