Ministerstva finansaŭ ZŠA ŭdakładniła, što sankcyi suprać avijakampanii «Biełavija» byli źniatyja častkova.
Licenzija, apublikavany Upraŭleńniem pa kantroli zamiežnych aktyvaŭ (OFAC), dazvalaje pravodzić raniej zabaronienyja apieracyi z adkrytym akcyjaniernym tavarystvam «Biełavija — Biełaruskija avijalinii». Heta raspaŭsiudžvajecca taksama na jaje daččynyja kampanii, dzie «Biełavija» maje bolš za 50% akcyj.
Adnak dazvoł nie tyčycca razbłakavańnia aktyvaŭ, zamarožanych pa inšych zakonach ZŠA, i nie tyčycca ździełak z asobami ci arhanizacyjami, jakija zastajucca pad sankcyjami. OFAC taksama adznačaje, što ŭdzielniki apieracyj pavinny vykonvać inšyja patrabavańni fiederalnych orhanaŭ ZŠA, uklučajučy zakony ab eksparcie i handli ŭzbrajeńniami.
Raniej pradstaŭnik prezidenta ZŠA Džon Koŭł paviedamiŭ padčas pieramoŭ z Alaksandram Łukašenkam u Minsku, što sankcyi suprać avijakampanii «Biełavija» byli źniatyja, a Biełaruś nazvała heta pieršym krokam ZŠA. Za heta biełaruskija ŭłady vypuścili 52 palitviaźniaŭ.
Kamientary