Koŭł: Miač byŭ na našym baku, my pavinny byli niešta zrabić. Tramp choča hetych adnosin

— Pieramovy praciahvalisia dva dni. Nakolki heta składana, i kali my možam čakać nastupnych [vyzvaleńniaŭ]?

Koŭł: My damahlisia vyzvaleńnia ahułam bolš za 68 čałaviek i viadziom pieramovy, kab vyzvalić usich. Ličba vahajecca, skažam, kala 1300 čałaviek pavinny być vyzvalenyja. Ja nie viedaju dakładnaj ličby. Ale, u lubym vypadku, pieramovy iduć.

Ja razmaŭlaŭ z prezidentam Biełarusi na hety kont. My havorym pra heta ŭžo niekalki miesiacaŭ i nabližajemsia da taho, kab niešta zrabić. I ja liču, što siońniašniaje vyzvaleńnie 52 čałaviek było vielmi dobrym žestam.

I my jašče pahavaryli pra inšyja rečy. Naša meta tut — narmalizavać adnosiny pamiž Złučanymi Štatami i Biełaruśsiu. My nie źbirajemsia ŭmiešvacca ŭ jaho adnosiny z Pucinym. Heta nie naša hulnia.

Ale my spadziajomsia na dobryja adnosiny ź Biełaruśsiu, u miežach jakich my zmožam raźvivać handal i šmat inšych rečaŭ, karysnych dla abodvuch narodaŭ. Voś takaja situacyja na hety momant.

Prezident Złučanych Štataŭ i prezident Biełarusi… Ja arhanizavaŭ telefonnuju razmovu, jakuju prezident Tramp pravioŭ z borta numar adzin kala 10 dzion tamu. Jon lacieŭ na Alasku, tak što heta było ŭ toj dzień. U ich była vielmi dobraja razmova, i hetyja ličby byli ahučany.

 — Vy skazali, što hałoŭnaja meta — palepšyć adnosiny pamiž ZŠA i Biełaruśsiu.

Koŭł: Pravilna.

— Ale chiba pieršasnaja meta — nie spynieńnie represij u Biełarusi i vyzvaleńnie ludziej?

Koŭł: Usio pa paradku. Viadoma, pravy i ŭsio astatniaje [važnyja], ale ja rablu heta krok za krokam. Spačatku treba naładzić adnosiny.

Miač byŭ na našym baku, my pavinny byli niešta zrabić, tamu što jany vyzvalili 14 čałaviek kala miesiaca tamu. Tamu ciapier my pavinny byli dziejničać. I toje, što my zrabili, — heta źniali sankcyi z avijakampanii, što i adbyłosia siońnia.

Paśla hetaha miač apynuŭsia na ich baku, i jany siońnia vyzvalili 52 čałaviek. Ciapier my prydumajem niešta ŭ adkaz. Ale ja chaču paskoryć hety praces. Ja chaču, kab u nas adbylisia amal što vialikija pieramovy, jakija b uklučali narmalizacyju adnosin.

Pavialičyć

— Ci nie mahli b vy, kali łaska, raskazać, što ciapier adbyvajecca na miažy? Kali [kazać] pra Mikołu Statkieviča, dzie jon? I jaki ŭ jaho płan?

Koŭł: Ja byŭ u Biełarusi. Ja nie viedaju.

— Spadar Koŭł, ale ci razumiejecie vy, što Łukašenka bolš zacikaŭleny ŭ tym, kab vy źniali sankcyi? Heta aznačaje, što ŭ vas jość kazyry, kab prapanavać jamu niešta i patrabavać vyzvaleńnia bolšaj kolkaści ludziej, što inicyjatyva na vašym baku.

Koŭł: U mianie jość svaje kazyry, i sankcyi — ich častka. U jaho na hety momant taksama jość svaje kazyry, i heta — vyzvaleńnie źniavolenych. Heta budzie raźvivacca pa miery raźvićcia pieramovaŭ. Usio nie robicca za adzin dzień. Heta patrabuje šmat času i vybudoŭvańnia davieru, bo pavieryć možna, tolki ŭbačyŭšy vynik.

— Nie, ja mieŭ na ŭvazie, što ŭ vas bolš padstaŭ, kab vystaŭlać umovy i patrabavać vyzvaleńnia bolšaj kolkaści ludziej u abmien na źniaćcie sankcyj. Vy heta zrabili?

Koŭł: Nie, nie zrabiŭ.

Čamu?

Koŭł: Ja tolki što zaviaršyŭ pracu pa vyzvaleńni 52 čałaviek.

— Ale ž tam bolš za tysiaču čałaviek. Tam bolš za tysiaču čałaviek u žudasnych umovach.

Koŭł: Ja tolki što ŭsim patłumačyŭ płan, jak heta zrabić. Nu, kali vam nie padabajecca hety płan, možacie sami vystupić na telebačańni.

Prezident Tramp paprasiŭ mianie rabić toje, što ja rablu. Prezident Tramp choča hetych adnosin. Jon choča, kab jany praciahvalisia i raźvivalisia. I heta toje, što my robim.

— Jak vy dumajecie, ci departuje Łukašenka ŭsich palitviaźniaŭ?

Koŭł: Vy majecie na ŭvazie vyzvalić ich?

— Departuje z krainy…

Koŭł: Spadziajusia.

— Siońnia novyja ludzi byli pryznanyja palitviaźniami. Vam nie zdajecca, što vyzvaleńnie ŭsich palitviaźniaŭ pieratvorycca ŭ biaskoncy praces? Siońnia 52 byli vyzvalenyja, a 8 novych palitviaźniaŭ źjavilisia.

Koŭł: Mnie pra heta nieviadoma.

Pavialičyć

• 6
• 1
• 1
• 18
• 0
• 2
• 6
• 0