Viazień sumleńnia Dźmitryj Kazłoŭ (błohier Šery Kot) da i paśla vyzvaleńnia FOTAFAKT
Hetamu chłopcu z Oršy ŭ kałonii mahło być asabliva hoładna, bo jon sirata i jašče niežanaty — mnohim palitviaźniam ułady zabaranili pieradačy.
Dźmitryj Kazłoŭ — błohier jutub-kanała «Šery kot». Jon skončyŭ čatyry kursy Horackaj sielskahaspadarčaj akademii pa śpiecyjalnaści «ahranom». Błohierstvam zacikaviŭsia ŭ 2017 hodzie, kali mnohija ludzi vykazvali niezadavolenaść «darmajedskim» dekretam. Spačatku chacieŭ aśviatlać roznyja temy, ale chutka jaho zaciahnuła palityka.
Dźmitryj aktyŭna ŭdzielničaŭ u pratestach suprać intehracyi z Rasijaj u kancy 2019 hoda. Za ŭdzieł u akcyjach, strymy i zakliki da ŭdziełu jon staŭ rekardsmienam pa kolkaści sutak administracyjnaha aryštu — tady jaho pakarali 120 sutkami. Paźniej jamu vystavili abvinavačvańnie pavodle č. 1 art. 13 i č. 2 art. 293 KK (padrychtoŭka da ŭdziełu ŭ masavych biesparadkach).
10 červienia 2020 hoda Dźmitryj byŭ zatrymany razam z aktyvistami «Jeŭrapiejskaj Biełarusi». Na nastupny dzień jaho asudzili na 20 sutak aryštu i jon musiŭ vyjści 30 červienia, ale zastavaŭsia za kratami, bo staŭ fihurantam kryminalnaj spravy pavodle art. 342 KK (arhanizacyja ci ŭdzieł u hrupavych dziejańniach, što hruba parušajuć hramadski paradak).
25 traŭnia 2021 hoda Mahiloŭski abłasny sud abviaściŭ prysud Dźmitryju i jašče šaści palitviaźniam. Sudździa Iryna Łančava prysudziła jamu 5 hadoŭ kałonii ŭzmocnienaha režymu. Pavodle padlikaŭ pravaabaroncaŭ, jon pavinien byŭ vyjści 28 listapada 2024 hoda.
Ale 29 listapada 2024 hoda ŭ Babrujsku razhledzieli novuju kryminalnuju spravu suprać Dźmitryja Kazłova. Napiaredadni, 28 listapada, jaho termin źniavoleńnia zakančvaŭsia, ale z kałonii jaho pieraviali ŭ SIZA № 5. Ciapier jaho abvinavačvali pavodle art. 411 KK (złosnaje niepadparadkavańnie administracyi kałonii). Sudździa Pavieł Karcinin prysudziŭ jašče adzin hod i piać dzion pazbaŭleńnia voli.
Na pačatku viasny 2025 hoda było viadoma, što Źmiciera pieraviali ŭ papraŭčuju kałoniju № 20 u Mazyry.
U lipieni 2025 hoda jutub-kanały Dźmitryja «Sieryj kot» i «Sieryj kot strimy» pryznali ekstremisckimi.
Mikoła Dziadok: Varyjant zastacca ŭ turmie nie razhladaŭ
Tak vyhladaje tajmłajn Mikałaja Statkieviča za siońnia, zafiksavany kamieraj pierachoda Kamienny Łoh VIDEA
Prynamsi ŭ častki palitviaźniaŭ pierad tym, jak vysłać ź Biełarusi, adabrali pašparty
Poŭny śpis 52 vyzvalenych palitviaźniaŭ
Žurnalist Mancevič, błohiery Kazłoŭ i Vinahradaŭ, palityk Kučuk. paplečniki Aŭtuchoviča i Statkieviča. Chto jašče z palitviaźniaŭ vyzvaliŭsia siońnia?
81‑hadovuju maci aŭtaryteta Skitova z «Babulinaj krynki» kinuli ŭ SIZA KDB, kab jon narešcie zahavaryŭ8
Kamientary