Žurnalist Mancevič, błohiery Kazłoŭ i Vinahradaŭ, palityk Kučuk. paplečniki Aŭtuchoviča i Statkieviča. Chto jašče z palitviaźniaŭ vyzvaliŭsia siońnia?
Robiacca viadomymi ŭsio bolš proźviščaŭ palitviaźniaŭ, vyzvalenych Łukašenkam 11 vieraśnia. Siarod ich — niamała viadomych asob.
U śpisach vyzvalenych błohier Dźmitryj Kazłoŭ «Šery kot». Jon adbyvaŭ pakarańnie ŭ kałonii dla recydyvistaŭ u Mazyry.
Taksama na svabodzie Pavieł Vinahradaŭ. Jon trojčy palitviazień
Hrodzienskaja piensijanierka Halina Dzierbyš taksama vyzvalenaja. Jana z hrupy Mikoły Aŭtuchoviča.
U śpisie pamiłavanych Siarhiej Sparyš, paplečnik Mikoły Statkieviča.
Vyzvaleny redaktar maładziečanskaj «Rehijanalnaj haziety» Alaksandr Mancevič. Unuk biełarusa-palitviaźnia časoŭ mižvajennaj Polščy, hety vybitny 67-hadovy žurnalist admoviŭsia pryznać vinu na pracesie nad saboj, tamu prysud jamu byŭ asabliva žorstki.
Na svabodzie Illa Dubski z Asipovičaŭ.
Na svabodzie jevanhielski prapaviednik Mikałaj Chiła.
Hety prapaviednik z carkvy chryścijan-baptystaŭ «Dabravieście» byŭ zatrymany ŭ 2024 hodzie i asudžany pa artykułach 361 (zakliki da zachadaŭ abmiežavalnaha charaktaru (sankcyjaŭ), inšych dziejańniaŭ, nakiravanych na pryčynieńnie škody nacyjanalnaj biaśpiecy Respubliki Biełaruś), č. 1 art. 130 (raspalvańnie rasavaj, nacyjanalnaj, relihijnaj albo inšaj sacyjalnaj varožaści abo varažniečy) sudździoj Alenaj Ananič.
KDB unios hetaha viernika ŭ «śpis terarystaŭ».
Na svabodzie palityk Dźmitryj Kučuk, lidar Partyi zialonych.
Jaho zatrymali, kali jon prynios kvietki da ambasady Rasii ŭ Minsku, kab ušanavać pamiać zakatavanaha ŭ rasijskaj kałonii Alaksieja Navalnaha. Kučuka (na siońnia jamu 51 hod), biznesoŭca i kiraŭnika niezadoŭha da taho zabaronienaj ekałahičnaj partyi, abvinavacili pa art. 342 Kryminalnaha kodeksa: «masavyja biesparadki».
Na svabodzie Julija Fienier, žonka brytanskaha dypłamata.
Jana była asudžanaja zusim niadaŭna, maje brytanski i biełaruski pašparty.
Vyzvaliŭsia 63-hadovy inžynier Andrej Kryłoŭ z Vaŭkavyska.
Pavieł Nikicienka pryjechaŭ na miažu z babrujskaj kałonii
Rabotnik raźlikova-daviedkavaha centra ź Viciebska atrymaŭ čatyry z pałovaj hady źniavoleńnia.
Siarod vyzvalenych Vital Bandaruk z Kamianieckaha rajona.
Jakaŭ Šafarenka z Bresta byŭ asudžany za «masavyja biesparadki». Ciapier jon na svabodzie.
Minčuk Jaŭhien Siamionaŭ siadzieŭ pa šerahu palityčnych artykułaŭ, a taksama za ŭchileńnie ad chatniaj chimii pa narkatyčnym 328 artykule.
Hleb Hładkoŭski byŭ zatrymany ŭ Breście za kamientary pra zahinułaha kadebista. Jon viadomy arhanizatar aerazdymak kvadrakoptarami.
Cviatasłaŭ Šubič byŭ u škłoŭskaj kałonii. Jon asudžany pa palityčnych artykułach, a taksama pa narkatyčnym.
Andrej Ściepańkoŭ z Rahačoŭskaha rajona byŭ asudžany pa 10 palityčnych artykułach.
Andrej Chvieskaviec ź Pinska byŭ udzielnikam paślavybarčych padziej u svaim horadzie.
9 žniŭnia 2020 hoda žychary horada vyjšli na pratest suprać falsifikacyi vybaraŭ. Jany sprabavali zaniać budynak harvykankama. Dla padaŭleńnia pratestaŭ ułady byli vymušanyja pierakinuć u horad śpiecnaz ź Minska.
Represii na Paleśsi zakranuli tysiačy ludziej, sotni atrymali doŭhija turemnyja terminy: pieravažna heta prostyja rabočyja.
Ihar Ciapciejeŭ razam ź siabrami vyviesiŭ ukrainski i biełaruski nacyjalnalny ściahi paśla padryvu ŭkrainskaj raźviedkaj Krymskaha mosta.
Za heta jamu prysudzili try z pałovaj hady źniavoleńnia.
Vyzvaleny architektar i barabanščyk Alaksiej Silenka.
U śpisach na vyzvaleńnie i viadomy aktyvist Maksim Viniarski. Ale niezrazumieła, ci jon pierajšoŭ miažu, ci zastajecca na niejtralnaj pałasie.
Cisk Polščy daŭ vynik: na svabodu masava vyjšli žurnalisty «Biełsata». Ale pakul nie Pačobut
FOTA ź biełaruska-litoŭskaj miažy prosta zaraz. Najchutčej, u kadry Mikoła Statkievič
Palitviaźniaŭ pryvieźli na miažu kałonaj aŭtobusaŭ VIDEA
«Heta nie akt dabryni, a čarhovy instrumient represij». Juryst rastłumačyŭ, čamu prymusovaja departacyja palitviaźniaŭ złačynstva
Ciapier čytajuć
Alaksandr Łukašenka tak lasnuŭsia na lod na chakiei, što trybuny zamierli VIDEA108
Alaksandr Łukašenka tak lasnuŭsia na lod na chakiei, što trybuny zamierli VIDEA
«Pa-biełarusku «Słana» Filipienki nabyvali bolš achvotna, čym pa-rusku». Jakija knihi siońnia ŭ topie? Intervju z kiraŭnicaj vydaviectva Gutenberg Publisher55
Kamientary