Łatuška: Źniaćcie sankcyj z «Biełavija» — krok u intaresach biełaruskaha hramadstva
Kiraŭnik Narodnaha antykryzisnaha ŭpraŭleńnia i namieśnik kiraŭnicy Abjadnanaha pierachodnaha kabinieta Biełarusi Pavieł Łatuška vydaŭ zajavu ŭ suviazi ź siońniašnim vyzvaleńniem 52-ch palitviaźniaŭ u abmien na źniaćcie častki amierykanskich sankcyj z avijakampanii «Biełavija».
«Jak kaardynatar sankcyjnaj palityki ŭ Abjadnanym pierachodnym kabiniecie chaču adznačyć, što źniaćcie sankcyj z avijakampanii Biełavija — heta krok u intaresach biełaruskaha hramadstva. Tamu što heta daje mahčymaść «Biełavija» atrymlivać zapasnyja častki absłuhoŭvać avijapark u licenzavanych kampanij.
My damahalisia ŭviadzieńnia sankcyj, uklučajučy «Biełavija», kab u dalejšym prymušać Łukašenku vyzvalać palityčnych źniavolenych. Heta toj instrumient, jaki patrebien i jaki ciapier adyhryvaje klučavuju rolu.
Treba pamiatać, što kali ŭ Łukašenki nie atrymlivajecca handlavać tavarami, jon pačynaje handlavać ludźmi. Tamu važna, što cisk na Łukašenku praciahvajecca», — zajaviŭ Łatuška.
Kamientary