«Razhledzieć zasadu». Viełasipiedysty i kiroŭcy pra patrabavańnie śpiešvacca na pierachodzie
Novyja praviły vyklikajuć sprečki siarod udzielnikaŭ darožnaha ruchu. Pačynajučy z 1 vieraśnia, viełasipiedystaŭ znoŭ abaviazali śpiešvacca na piešachodnych pierachodach. Spytali, što dumajuć pra heta viełasipiedysty i kiroŭcy.
Davodzicca być bolš pilnym, kab razhledzieć zasadu
Ravaryst sa stažam pryznajecca, što z 1 vieraśnia ŭ jahonaj maniery jazdy asabliva ničoha nie źmianiłasia.
«Na ažyŭlenych skryžavańniach i raniej śpiešvaŭsia dziela biaśpieki. A na małych i paśla vychadu novych pravił nie śpiešvajusia. Praŭda, ciapier davodzicca być bolš pilnym, kab, tak by mović, razhledzieć zasadu», — pryznajecca mužčyna.
Ahułam surazmoŭca kaža, što nie vitaje hetych źmien, bo śpiešvacca na kožnym pierachodzie — heta vielmi niazručna.
«Ja i aŭtamabilist, tamu na rovary jezdžu z razumieńniem taho, jak treba pierasiakać darohu, kab heta było biaśpiečna. Ja vydatna razumieju, jak heta vyhladaje z boku kiroŭcy, kali rovar na poŭnaj chutkaści niasiecca praz darohu. Sam nikoli nie pralataju na poŭnaj chutkaści, zapavolvajusia, ale treba pryznać, što nie ŭsie tak rabili».
Mužčyna kaža, što nie zaŭvažyŭ, kab z 1 vieraśnia stała bolš DAIšnikaŭ, jakija palavali b na ravarystaŭ. «Zdajecca, nie palujuć, jak mnohija čakali», — kaža ravaryst.
Navat siaredniaja chutkaść źniziłasia
«Jeździć pastajanna, śpiešvajučysia, razdražniaje. Ja zaŭsiody prytarmažvała i akuratna, na nievialikaj chutkaści, prajazdžała praź piešachodny pierachod. Ciapier kožny raz davodzicca złazić z rovara i iści pieššu, kab nie atrymać štraf».
Žančyna kaža, što aścierahajecca taho, što DAI moža pačać vyličvać parušalnikaŭ pa kamierach, jakija ciapier jość ledźvie nie na kožnym skryžavańni.
«Pry hetym časam zaŭvažaju, što niekatoryja kiroŭcy sami pačynajuć niervavacca, kali na niejkim małym skryžavańni ciabie ŭžo prapuskajuć na padjeździe, a ty spyniaješsia i pačynaješ złazić z rovara i iści pieššu», — dzielicca nazirańniami ravarystka.
Žančyna adznačaje, što ciapier u jaje idzie krychu bolš času na toje, kab dabracca z punktu A ŭ punkt B. Źniziłasia i siaredniaja chutkaść pajezdak.
«Raniej ty ŭžo viedaŭ, dzie varta jechać pavolniej abo chutčej, kab nie stajać na čyrvonym. Ciapier ža praź nieabchodnaść śpiešycca rytm źbiŭsia i davodzicca hublać bolš času na śviatłaforach», — dzielicca nazirańniami ravarystka.
Što kažuć kiroŭcy
Kiroŭca z 35-hadovym stažam kaža, što u cełym vitaje hetyja źmieny ŭ PDR.
«Na žal, mnohija lotali na rovarach i samakatach, nie źmienšajučy chutkaści. Heta było vielmi niebiaśpiečna, bo ty nie paśpieješ azirnucca, a jon adniekul vylataje. Kab jany ŭsie sapraŭdy pierajazdžali darohu na nievialikaj chutkaści, to było b dobra, ale ž mnohija hrebavali hetym praviłam».
Mužčyna spadziajecca, što praz heta stanie mienš avaryj z udziełam rovaraŭ, samakataŭ i mašyn.
«Kali na piešachodzie adbyvałasia DTZ z ravarystam i mašynaj, to amal zaŭždy vinavatym rabili kiroŭcu aŭtamabila i tolki ŭ vielmi redkich vypadak viełasipiedystaŭ, bo byli videadokazy, što rovar jechaŭ vielmi chutka».
Tamu mužčyna spadziajecca, što ciapier stanie lepiej.
Nio ŭsio tak adnaznačna
Inšy kiroŭca, jaki maje bolš za 10 hadoŭ stažu i časam jeździć na rovary, ličyć, što pry abaviazkovym śpiešvańni na kožnym skryžavańni jazda na rovary moža stracić sens ci prynamsi pierastać prynosić zadavalnieńnie.
«Kali ŭ papiaredniaj redakcyi, naadvarot, dazvolili nie śpiešvacca, a tolki źnižać chutkaść da chutkaści piešachoda, to hetyja źmieny mnoju byli pryniaty pazityŭna. Dla mianie heta aznačała, što źjaviłasia lehalnaja mahčymaść spakojna prajazdžać praź pierachod, nie azirajučysia, ci niama niedzie pobač DAI», — pryznajecca surazmoŭca.
Mužčyna kaža, što niezaležna ad dziejnych pravił z rozumam padychodziŭ da taho, jak treba prajazdžać skryžavańni. Pry hetym jon taksama pryznaje, što nie brakuje ravarystaŭ i samakatčykaŭ, jakija na vysokaj chutkaści vylatajuć na pierachod, čym stvarajuć niebiaśpieku dla siabie i inšych.
«Miarkuju, što patrabavańnie śpiešvacca znoŭ viarnuli ŭ PDR z-za nizkaj kultury pavodzin siarod ravarystaŭ i samakatčykaŭ. Ideja patrabavać źnižać chutkaść, ale pry hetym nie śpiešvacca była fajnaja, ale mnohija akazalisia nie hatovyja, kab kantralavać siabie i sapraŭdy mocna źnižać chutkaść».
Tamu, pa słovach mužčyny, jak aŭtamabilist jon chutčej vitaje padobnyja źmieny, ale jak ravaryst — chutčej nie.
U DAI znajšli vychad, kab zadavolić usich?
Mahčyma, vyrašyć kanflikt intaresaŭ dapamoža admysłovaja tablička. Na pierachodach, dzie jana budzie ŭstanoŭlena, ravarystam, samakatčykam i inšym možna budzie pierasiakać prajeznuju častku bieź śpiešvańnia.
Ab raspracoŭcy admysłovych tabličak zajavili 10 vieraśnia.
Śpiecyjalnyja šyldy i viełaśviatłafory buduć ustanaŭlivacca tam, dzie niama kanfliktu intaresaŭ pry ruchu pamiž kiroŭcam i viełasipiedystam.
Raniej minčuk, jakomu jechać da pracy 19 kiłamietraŭ, padličyŭ, što ciapier za pajezdku ŭ adzin bok jamu treba 53 razy źleźci z rovara. Atrymlivajecca, što za dzień ravaryst musić śpiešycca bolš za sotniu razoŭ.
Pad videa minčuka bolš za 1600 kamientaryjaŭ, ale mierkavańni padzialilisia. Chapaje jak tych, chto ŭchvalaje źmieny, tak i tych, chto ich krytykuje.
Admietna, što niamała kamientaroŭ, u jakich adznačajuć, što źmieny ŭ PDR mahli źjavicca praz toje, što mnohija prosta ihnaravali patrabavańnie źnižać chutkaść pry pierajeździe praź piešachodny pierachod.
Taksama častka kamientataraŭ adznačaje, što zastaniecca niamała tych, chto nie budzie prytrymlivacca novych pravił.
-
«U kałonii canili pieradačy prapahandystki Skabiejevaj». Były palitviazień Jaŭhien Mierkis raskazaŭ, jak vyžyvaŭ za kratami
-
Biełaruska atrymała polskuju vizu, ale nie pačała pa joj jeździć da zakryćcia miažy. Ci puściać jaje ciapier u ES?
-
17-hadovaja biełaruska, zatrymanaja za zapusk drona ŭ Varšavie, pryjechała ŭ Polšču ŭsiaho niekalki dzion tamu
Da «Dnia narodnaha adzinstva» pamiłavali 25 čałaviek4
Kamientary
Marazm v zakonotvorčiestvie RB užie davno pieriestał udivlať.
A viełosipiedistam riekomiendacija takaja - jeśli už dieputaty i horie-ekśpierty ot hai zastavlajut vas słaziť na každom śvietoforie, to pieriechoditie piešiechodnuju časť tak miedlenno, naskolko eto vozmožno, čtoby povoračivajuŝij potok zadołbałsia stojať i vas propuskať. V etich potokach budut stojať v t.č. i tie samyje dieputaty i tie avtomobilisty, kotoryje poddieržali eti iźmienienija. Posmotrim, čto zapojot hai, kohda propusknaja sposobnosť uličnoj sieti śnizitsia v razy.
- skorostnyje, s razriešienijem dvihaťsia po projezžiej časti, kak na motocikłach/mopiedach. Eti dołžny i konstrukciju imieť sieŕjoznuju;
- tichochodnyje, s razriešienijem dvihaťsia po tratuaram biez šlema, i, vozmožno, bieź śpiešivanija na pieriechodach. No eto užie sovsiem tichochodnyje, s obiazatielnym ispolzovanijem viełosipiednoho zvonočka.
Vsie pročije samokaty s "promiežutočnymi" charaktieristikami biezopasnosti obieśpiečivať nie mohut.