MZS Rasii zapatrabavała ad Polščy nie zakryvać miažu ź Biełaruśsiu i namiaknuła na nastupstvy
Pradstaŭnica rasijskaha MZS Maryja Zacharava abvinavaciła Polšču ŭ destruktyŭnych krokach.
Rasijskaje MZS zapatrabavała ad Polščy nie zakryvać miažu ź Biełaruśsiu. Aficyjny pradstaŭnik viedamstva Maryja Zacharava nazvała rašeńnie Varšavy zakryć usie punkty propusku destruktyŭnymi.
«Vidavočna, što kanfrantacyjnyja kroki, jakija prymaje polskaje kiraŭnictva, padparadkavanyja adzinaj zadačy — apraŭdać liniju na dalejšuju eskałacyju napružanaści ŭ centry Jeŭropy», — zajaviła Zacharava ŭ aficyjnym paviedamleńni MZS Rasii.
Na jaje dumku, rašeńnie ŭrada Polščy naniasie surjoznuju škodu mižnarodnym partnioram, jakija vykarystoŭvajuć hetuju miažu dla tavaraabmienu. Jašče rasijskaja čynoŭnica abvinavaciła Polšču ŭ padryvie humanitarnych pryncypaŭ, uklučajučy svabodu pieramiaščeńnia ludziej. Chvalujuć Zacharavu i prablemy žycharoŭ pamiežnych rajonaŭ, jakija pazbaŭlajucca mahčymaści padtrymlivać tradycyjnyja svajackija suviazi i čałaviečyja kantakty.
Pradstaŭnik MZS Rasii pryhraziła Polščy nastupstvami.
«Zaklikajem Varšavu zadumacca pra nastupstvy takich destruktyŭnych krokaŭ i pierahledzieć pryniataje rašeńnie ŭ samyja karotkija terminy», — reziumavała Zacharava.
Polšča całkam zakryvaje miažu ź Biełaruśsiu a 1:00 pa biełaruskim časie 12 vieraśnia. Va ŭradzie źviazali hetaje rašeńnie z vučeńniami «Zachad-2025», jakija projduć da 16 vieraśnia. Adnak polskija ŭłady zajavili, što adkryjuć miažu tolki tady, kali ad Biełarusi nie budzie zychodzić nijakich pahroz.
Ciapier čytajuć
Što viadoma pra 18‑hadovuju biaspraŭnicu Dzijanu, jakaja razam z dvuma siabrami raźbiłasia ŭnačy ŭ Vilejskim rajonie?15
Što viadoma pra 18‑hadovuju biaspraŭnicu Dzijanu, jakaja razam z dvuma siabrami raźbiłasia ŭnačy ŭ Vilejskim rajonie?
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek33
Kamientary