Tramp zapeŭniŭ kiraŭnictva Katara, što Izrail bolš bić pa ich terytoryi nie budzie
U ZŠA prakamientavali siońniašni abstreł Izrailem stalicy Katara Dochi, u jakoj pradstaŭniki ruchu CHAMAS nibyta sabralisia, kab abmierkavać mahčymaść pieramirja i abmien pałonnymi.
Pres-sakratarka Biełaha doma Kerałajn Levit paviedamiła, što pradstaŭnik prezidenta ZŠA Donalda Trampa Styŭ Uitkaf papiaredziŭ katarskija ŭłady pra budučy ŭdar, paćvierdziŭšy tym samym zdahadki, što ataka Izraila była ŭzhodnienaja z Vašynhtonam.
Pavodle słoŭ Levit, sam Tramp asabliva zaniepakojeny tym, što ŭdar byŭ naniesieny mienavita na terytoryi Katara. Jon patelefanavaŭ emiru i premjer-ministru hetaj krainy, padziakavaŭ im za padtrymku i siabroŭstva z ZŠA i zapeŭniŭ, što takoha bolš nie paŭtorycca.
«Nanosić adnabakovyja avijaŭdary pa Kataru — suvierennaj krainie i blizkaj sajuźnicy ZŠA, jakaja staranna pracuje i, ryzykujučy, dapamahaje nam u pasiarednictvie dziela miru, — nie spryjaje metam ni Izraila, ni Amieryki. Adnak likvidacyja CHAMAS, jaki nažyvaŭsia na pakutach žycharoŭ Hazy, źjaŭlajecca hodnaj metaj», — skazała Kerałajn Levit.
Pavodle jaje słoŭ, Tramp, daviedaŭšysia pra toje, što Izrail rychtuje ataku pa Dosie,
«nieadkładna daručyŭ śpiecpradstaŭniku Uitkafu paviedamić katarcam pra budučuju ataku, što toj i zrabiŭ».
Akramia taho, jana paviedamiła, što Tramp taksama pravioŭ telefonnuju razmovu z premjer-ministram Izraila Bińjaminam Nietańjachu.
Ciapier čytajuć
Stała viadoma imia jašče adnaho pałkoŭnika DFR, aryštavanaha KDB. Jon raskazvaŭ sukamiernikam, jak jaho katavali12
Kamientary