Jakija aŭto ź Jeŭropy čaściej za ŭsio pryhaniajuć biełarusy ŭ 2025 hodzie. Raskazvajuć ekśpierty
Niahledziačy na zasille novych kitajskich brendaŭ i peŭnyja abmiežavańni z boku Jeŭrasajuza na ekspart aŭto ŭ Biełaruś, pryhon patrymanych aŭto ź Jeŭropy zastajecca papularnym siarod biełarusaŭ. Kampanija, jakaja dapamahaje nabyvać aŭto na lizinhavych aŭkcyjonach pa ŭsioj Jeŭropie, raskazała, jakija mašyny biełarusy čaściej za ŭsio pryhaniajuć ź Jeŭropy ŭ 2025 hodzie.
Jakija aŭto vyhadna pryhaniać ź Jeŭropy ŭ Biełaruś?
U suviazi z sankcyjnymi abmiežavańniami dla kupli ŭ Jeŭropie biełarusam dastupnyja tolki aŭtamabili z abjomam ruchavika da 1900 sm³. Usio, što zvyš, — nielha, roŭna jak i hibrydy, i elektramabili. Tym nie mienš, navat z ulikam abmiežavańniaŭ vybar prachodnych aŭto dla ŭvozu ŭ Biełaruś vialiki, tamu kupla aŭto ŭ Jeŭropie zastajecca pa-raniejšamu papularnaj.
U euroleasingauto adznačajuć, što najbolšaj papularnaściu ŭ klijentaŭ ź Biełarusi karystajucca aŭtamabili francuzskich marak.
Siarod najbolš dastupnych — Peugeot 308, Renault Megane i Citroen C3.
«Pryčym kali Renault Megane biełarusy čaściej rašajuć brać z dyzielnym 1,5 dCi, jaki zarekamiendavaŭ siabie jak vielmi nadziejny i ekanamičny mator, to Peugeot i Citroen adnolkava časta vybirajuć jak z dyzielnymi 1,5 HDi, tak i ź bienzinavymi matorami 1,2 litra», — adznačajuć mieniedžary kampanii.
Miniveny na 7 miescaŭ
Tradycyjna vysokaj papularnaściu ŭ biełarusaŭ karystajucca francuzskija miniveny: Renault Grand Scenic i Citroen C4 Grand SpaceTourer.
U kampanii euroleasingauto adznačajuć, što asabliva vysokim popytam u biełarusaŭ karystajucca 7-miascovyja viersii takich aŭtamabilaŭ.
Krasoviery i lubimy mator biełarusaŭ
Siarod krasovieraŭ taksama lidzirujuć francuzy — Peugeot 3008 i 5008, a taksama Citroen C5 Aircross i Renault Kajar.
U vypadku z Renault Kajar, tradycyjna addajuć pieravahu varyjantam z dyzielnym matoram 1,5 litra. U euroleasingauto ruchavik 1,5 dci (k9k) ad Renault adnaznačna nazyvajuć lubimym dyzielnym matoram siarod biełaruskich klijentaŭ.
A što z Volkswagen?
Pa słovach pradstaŭnikoŭ aŭkcyjonu, siarod madelaŭ Volkswagen čaściej za ŭsio kuplajuć Passat B8 z dyzielnym ruchavikom 1,6 ł ci ź bienzinavym 1,5 ł. Na druhim miescy pa papularnaści idzie VW Golf.
Adnak samymi papularnymi niemcami ŭ biełarusaŭ tut nazyvajuć aŭtamabili marki Mercedes-Benz.
«Siarod bolš darahich mašyn vysokaj papularnaściu karystajucca Mercedes-Benz CLA ź bienzinavym ruchavikom 1,3 ł, a taksama Mercedes-Benz C-Class — ź bienzinavym 1,5 ł abo dyzielnym 1,6 ł.
Najaŭnaść u E-Class ruchavika abjomam 1,6 ł taksama adkryvaje biełarusam dostup da aŭtamabilaŭ biznes-kłasa, tamu madeli Mercedes u 2025 hodzie karystajucca padvyšanym popytam u pakupnikoŭ ź Biełarusi», — adznačajuć u Jeŭralizinhaŭta.
Ź jakimi prabiehami pradajucca aŭto ŭ Jeŭropie?
U euroleasingauto nazyvajuć pamyłkovym śćviardžeńnie pra toje, što ŭsie mašyny ŭ Jeŭropie majuć vialikija prabiehi.
«Na lizinhavych aŭkcyjonach pradajecca vialikaja kolkaść aŭto va ŭzroście 3—5 hadoŭ, jakija nie majuć i 50 tysiač kiłamietraŭ prabiehu. Ale ceny na takija aŭto prykmietna vyšejšyja, čym na tyja, što majuć prabieh kala 100 tysiač kiłamietraŭ i bolš», — tłumačyć ekśpiert.
Što datyčycca biełaruskich pakupnikoŭ, to, zhodna sa statystykaj kampanii, čaściej za ŭsio dla ŭvozu ŭ Biełaruś kuplajuć aŭtamabili z prabieham 130—170 tysiač kiłamietraŭ.
«Na druhim miescy pa papularnaści idzie prabieh 70—100 tysiač, na trecim — mašyny, jakija prajechali ŭžo bolš za 200 tysiač kiłamietraŭ».
Apošnija, pa nazirańniach śpiecyjalista, bajacca kuplać nie varta, pakolki ŭsie hetyja mašyny prachodziać rehularnaje absłuhoŭvańnie ŭ aficyjnych servisach stroha pa rehłamiencie. Stan u takich aŭto praktyčna taki ž, jak i ŭ varyjantaŭ ź mienšymi prabiehami.
Tamu niaredka niesumlennyja pradaŭcy, uličvajučy dobry stan aŭtamabilaŭ, pryhnanych ź Jeŭropy, pry pieraprodažy ŭ Biełarusi karektujuć prabieh u mienšy bok.
Znajści paćviardžeńnie słovam śpiecyjalista nieskładana.
Tak, u Hrodnie pradajecca Renault Grand Scenic 2020 hoda vypusku: zajaŭleny prabieh u abjavie — 99 tysiač kiłamietraŭ, a na ščytku pryboraŭ — 95 725 km.
U apisańni pradaviec adznačaje, što mašynu kuplaŭ z aŭkcyjonu i sam pryhaniaŭ u Biełaruś 24 śniežnia 2024.
Pravierka pa mytnaj bazie danych uviezienaha ŭ Biełaruś transpartu pakazvaje, što aŭtamabil z takim numaram kuzava sapraŭdy byŭ razmytnieny ŭ Biełarusi 24 śniežnia minułaha hoda.
Toje, što mašyna była kuplena na aŭkcyjonie, — taksama praŭda. Adziny niuans u tym, što na aŭkcyjonie ŭ Bielhii hety Renault Grand Scenic byŭ pradadzieny z prabieham 144 899 km.
Admietna, što pradaviec u abjavie navat vykarystaŭ adno z fota (z VIN-numaram), raźmieščanaje na aŭkcyjonie.
Praz amal hod hety ž aŭtamabil pradajuć u Biełarusi z prabieham da 100 tysiač kiłamietraŭ.
Prazrystaja historyja
U euroleasingauto śćviardžajuć, što mnohija ich klijenty prychodziać da kupli aŭto z aŭkcyjonaŭ nie tolki dziela ekanomii, ale i dla taho, kab być upeŭnienymi ŭ historyi aŭto i praŭdzivaści prabiehu.
«Usie lizinhavyja aŭtamabili majuć aryhinalny prabieh i prazrystuju historyju, akramia taho, jany absłuhoŭvajucca ŭ dyleraŭ zhodna z rehłamientam. A pierad tym jak pastupajuć u prodaž, prachodziać niezaležnuju ekśpiertnuju acenku stanu, dzie pakazvajucca navat samyja niaznačnyja paškodžańni pa kuzavie i sałonie», — tłumačyć śpiecyjalist.
Jak kupić aŭto na aŭkcyjonie?
Rehistracyja na aŭkcyjonnaj płatformie euroleasingauto biaspłatnaja i dastupnaja ŭ tym liku fizičnym asobam ź Biełarusi.
Apłacić aŭtamabil možna roznymi sposabami: bankaŭskim pieravodam ź Biełarusi naŭprost na rachunak kampanii abo najaŭnymi ŭ Maryjampali ci Vilniusie.
Niezaležna ad krainy pakupki ŭsie aŭtamabili dastaŭlajucca ŭ Litvu, adkul ich možna zabrać svaim chodam. Dla tych, u kaho niama vizy, kampanija euroleasingauto ažyćciaŭlaje dastaŭku aŭtavozam u Minsk.
Ciapier čytajuć
Były vykładčyk Iniaza pierajšoŭ na biełaruskuju ŭ emihracyi. Jon razvažaje pra los univiersiteta, biełarusaŭ za miažoj i adroźnieńnie nas ad palakaŭ77
Kamientary
Zachodiš v instahram viečierkom. Polistaj riłsy, połajkaj plaži. Čieriez dieniek načnietsia napłyv riekłamy "pomohatorov" po łovle dat na vizy. Obŝaješsia po tielefonu. Infu prosiš na tielehram vajbier. Sidiš analiziruješ. Vybiraješ naiboleje adiekvatnych (tie kotoryje zaranieje nie opravdyvajutsia za provał i nie obieŝajut zołotych hor pri etom). Jedieš na ofis -jeśli vsie nravicca zaklučaješ dohovor i płatiš DIEŃHI. Dalšie užie po nakatannoj - tiebie VSIE razžujut..... Obyčno siejčas proŝie vsieho Hriecija Ispanija Italija.... Čieriez hod možno DOjčłand. Polzujtsia nie błahodari...