Biełaruscy Voli Dziemcy, jakaja papularyzuje biełaruskuju kulturu ŭ ZŠA, znoŭ patrebna dapamoha
Vola Dziemka — biełaruska, pradziusarka i režysiorka, jakaja zaraz žyvie ŭ Sietle (ZŠA). Heta jana źniała film pra narodnyja biełaruskija pieśni, sabrała cudoŭnuju kalekcyju narodnaha adzieńnia, stvaryła katałoh «Biełaruski stroj» i vialiki albom «Tradycyjnyja stroi Biełarusi». Apošnija niekalki hadoŭ Vola zmahajecca z redkim imunnym zachvorvańniem. Zaraz Voli znoŭ patrebna dapamoha, bo ŭ vyniku chvaroby i intensiŭnaha lačeńnia ŭ jaje nazapasiłasia kala 19 tysiač dalaraŭ miedycynskich daŭhoŭ, piša «Budźma».
Piać hadoŭ tamu ŭ Voli dyjahnastavali redkaje i ahresiŭnaje autaimunnaje zachvorvańnie, jakoje atakuje i razburaje białok, jaki zmacoŭvaje kletki skury.
Paśla pieršaha vostraha epizodu i pastanoŭki dyjahnazu joj pryjšłosia prajści nieźličonuju kolkaść vizitaŭ u adździaleńnie nieadkładnaj dapamohi, prajści najciažejšuju nutraviennuju terapiju steroidami i lacieć za miažu na kurs hiemadyjalizu. Jaje chvaroba riefrakternaja, heta značyć praktyčna nie paddajecca lačeńniu tradycyjnymi mietadami.
Aproč asnoŭnaha zachvorvańnia, u sakaviku 2025 hoda ŭ Voli dyjahnastavali druhasnaje autaimmunnaje zachvorvańnie, jakoje pastupova razburaje jaje ščytapadobnuju załozu.
«Što zaraz? Limba. Prosta čakajem, nazirajem. Da ŭsiaho ŭ mianie ŭviesnu znajšli druhasnaje aŭtaimunnaje zachvorvańnie (niešta kštałtu Chašymota), jakoje ŭcichara razburaje ščytavidku (pryvitańnie, Čarnobyl), prapisali dadatkovuju harmanalnuju terapiju. Ahułam zaraz ja adčuvaju siabie značna lepiej», — z čornym humaram apisvaje svaju balničnuju «adysieju» Vola.
Adzinym mietadam lačeńnia, jaki stabilna dapamahaŭ Voli kantralavać jaje stan, byŭ strohi štomiesiačny režym: try dni zapar padtrymlivajučaj chimijaterapii, za jakimi išoŭ 10-dzionny pieryjad adnaŭleńnia. Nažal, pačynajučy ź siaredziny 2024 h., košt hetaj žyćciova važnaj terapii rezka vyras, dasiahnuŭšy 16 000 dalaraŭ u dzień.
Volha taksama chacieła trapić na ekśpierymientalnuju terapiju, ale ŭ vyniku reakcyi jaje arhanizma na leki nie padyšła ŭ jakaści kandydata na ekśpierymientalnaje lačeńnie.
Na siońniašni dzień strachoŭka pakryła bolšuju častku kursu chimijaterapii, pakinuŭšy kala 7 tysiač dalaraŭ najaŭnych vydatkaŭ. Ekstrannyja stamatałahičnyja apieracyi abyšlisia prykładna ŭ 12 tysiač dalaraŭ (pa 6 tysiač dalaraŭ kožnaja), u vyniku čaho ahulnaja suma skłała 19 tysiač dalaraŭ.
Padtrymać Volhu Dziemka možna tut.
Zatrymany ŭ Polščy biełaruski taksist-špijon byŭ siabram «Paspalitaha rušeńnia»14
Zatrymany ŭ Polščy biełaruski taksist-špijon byŭ siabram «Paspalitaha rušeńnia»
Rasijskija i łukašenkaŭskija śpiecsłužby na fonie zalotu dronaŭ u Polšču praviali infaataku. Jaje zładžanaść daje padstavy dumać, što zalot byŭ spłanavany1515
Kamientary
Eto nie Čiernobyl. Eto privivočka ot KOVIDA.