Biełaruś i Polšča siońnia ŭnačy abmieńvalisia infarmacyjaj pra rasijskija bieśpiłotniki — hienštab Biełarusi
Biełaruski bok adsočvaŭ ruch dronaŭ, što źbilisia z kursu, i infarmavaŭ pra ich polski i litoŭski bok. Heta dazvoliła polskamu boku apieratyŭna adreahavać na dziejańni bieśpiłotnikaŭ, padniaŭšy ŭ pavietra svaje dziažurnyja siły. Pra heta zajaviŭ načalnik Hienieralnaha štaba RB Pavieł Muraviejka.
«U chodzie načnoha ŭzajemnaha abmienu ŭdarami bieśpiłotnymi latalnymi aparatami pamiž Rasijskaj Fiederacyjaj i Ukrainaj dziažurnymi siłami i srodkami pa supraćpavietranaj abaronie Respubliki Biełaruś pastajanna adsočvalisia bieśpiłotnyja latalnyja aparaty, jakija stracili kurs u vyniku ŭździejańnia srodkaŭ radyjoelektronnaj baraćby bakoŭ.
Častka bieśpiłotnikaŭ, jakija zabłukali, była źniščanaja siłami supraćpavietranaj abarony našaj krainy nad terytoryjaj respubliki», — havorycca ŭ zajavie.
Pa najaŭnych kanałach z 23:00 hadzin 9 vieraśnia da 4:00 10 vieraśnia biełaruskija dziažurnyja siły i srodki abmieńvalisia infarmacyjaj ab pavietranaj i radyjołakacyjnaj abstanoŭcy ź dziažurnymi siłami i srodkami Polščy i Litvy, apaviaściŭšy ich pra nabližeńnie nieviadomych latalnych aparataŭ da terytoryi ich krain. Heta dazvoliła polskamu boku apieratyŭna adreahavać na dziejańni bieśpiłotnikaŭ, padniaŭšy ŭ pavietra svaje dziažurnyja siły, śćviardžaje Muraviejka.
Polski bok u svaju čarhu taksama infarmavaŭ biełaruskija dziažurnyja bajavyja raźliki ab nabližeńni da miažy Biełarusi nieapaznanych latalnych aparataŭ z terytoryi Ukrainy, dadaje jon.
Biełaruś i nadalej budzie vykonvać svaje abaviazacielstvy pa abmienie infarmacyjaj ab pavietranaj abstanoŭcy z Respublikaj Polšča i krainami Bałtyi, abiacaje kiraŭnik Hienštaba.
Asudzili mazyrskaha błohiera Union Bell. Chłopiec niekalki hadoŭ chavaŭsia, ale paśla aryštu baćki byŭ vymušany źviarnucca ŭ balnicu8
Asudzili mazyrskaha błohiera Union Bell. Chłopiec niekalki hadoŭ chavaŭsia, ale paśla aryštu baćki byŭ vymušany źviarnucca ŭ balnicu
«Ja suprać. Movy, jakija pakinuli paśla siabie kałanizatary ŭ Afrycy, stali šlacham da cyvilizacyi». Aleksijevič adkazała, jak stavicca da admovy ad ruskaj movy va Ukrainie8888
«Ja suprać. Movy, jakija pakinuli paśla siabie kałanizatary ŭ Afrycy, stali šlacham da cyvilizacyi». Aleksijevič adkazała, jak stavicca da admovy ad ruskaj movy va Ukrainie88
«U turmie ja lubiŭ vynosić śmiećcie». Historyja Mandeły, jaki razumieŭ, što niemahčyma zamanić voraha ŭ zasadu, kali nie viedaješ, jak myślać jaho hienierały99
Kamientary