Rasijanie na Danieččynie ŭdaryli avijabombaj pa ludziach, što pryjšli atrymlivać piensiju — bolš za 20 zahinułych
Rasijanie nanieśli ŭdar avijabombaj prosta pa ludziach u pasiołku Jaravaja ŭ Danieckaj vobłaści: bolš za 20 zahinuŭšych. Pra heta napisaŭ prezident Ukrainy Uładzimir Zialenski, jaki apublikavaŭ videa ź miesta trahiedyi.
«Adkryta źvierski rasijski ŭdar avijabombaj pa pasiołku Jaravaja ŭ Danieckaj vobłaści. Prosta pa ludziach. Zvyčajnyja cyvilnyja ludzi. U momant, kali vydavali piensii. Pavodle papiaredniaj infarmacyi, kolkaść zahinułych — bolš za 20 čałaviek. Niama słoŭ… Spačuvańni ŭsim rodnym i blizkim zahinuŭšych», — napisaŭ Zialenski.
Jon zaklikaŭ suśvietnuju supolnaść nie pakidać takija ŭdary Rasii biez naležnaj reakcyi.
«Rasijanie praciahvajuć źniščać žyćci, ale paźbiahajuć novych mocnych sankcyj, novych mocnych udaraŭ. Śviet nie pavinien maŭčać. Śviet nie pavinien zastavacca biaździejnym. Patrebna reakcyja Złučanych Štataŭ. Patrebna reakcyja Jeŭropy. Patrebna reakcyja Dvaccatki. Patrebnyja mocnyja dziejańni, kab Rasija pierastała nieści śmierć», — paviedamiŭ prezident Ukrainy.
-
Bajavy dron, jaki ŭ kancy lipienia pralacieŭ nad Vilniaj, zapuskaŭsia ź Biełarusi?
-
Rasijaninu Daniłu Bahrovu dali dzieviać hadoŭ kałonii pa spravie ab sprobie vajavać za Ukrainu
-
HUR uziaŭ adkaznaść za vybuchi pad Uładzivastokam: nazyvajuć heta pomstaj vajskoŭcam RF, jakija ŭdzielničali ŭ zabojstvach pałonnych ukraincaŭ
Da «Dnia narodnaha adzinstva» pamiłavali 25 čałaviek4
Kamientary