19-ty pakiet sankcyj suprać Rasii, jaki Jeŭrasajuz źbiraŭsia pradstavić 17 vieraśnia, adkładzieny — jon źnik z paradku dnia sustrečy pastajannych pradstaŭnikoŭ krain ES, paviedamlaje 16 vieraśnia Politico, spasyłajučysia na dvuch jeŭrapiejskich krynic.
Pradstaŭleńnie sankcyj adkłali na fonie cisku z boku Donalda Trampa, jaki patrabuje, kab usie krainy NATA spynili kuplać rasijskuju naftu. Asnoŭnymi jaje pakupnikami ŭ błoku zastajucca Vienhryja i Słavakija, jakija adčuvajuć cisk i z boku inšych jeŭrapiejskich krain, ale ad zakupak rasijskich enierharesursaŭ pakul nie admaŭlajucca.
Pry hetym, jak vykazaŭsia adzin ź jeŭrapiejskich dypłamataŭ, kali Tramp choča, kab krainy ES spynili kuplać rasijskuju naftu, «jamu dastatkova prosta nabrać» premjer-ministraŭ Robierta Fica ŭ Słavakii i Viktara Orbana ŭ Vienhryi, bo «heta jaho siabry».
Da taho ž ultymatum Trampa, jak adznačaje Politico, patrabuje źmianieńnia palityki z boku Turcyi, jakaja ŭvachodzić u NATA i impartuje 57% nafty z Rasii — a heta małavierahodna.
Ciapier čytajuć
Polšča nie adkryje miažu i paśla skančeńnia vučeńniaŭ «Zachad»50
Kamientary
Chto jašče? Jakija jašče jeŭrapiejskija krainy kuplajuć rasiejskuju naftu i rasiejski haz?
A tut akazvajecca, što sama Jeŭropa admoviłasia pryniać sankcyj suprać Rasii.