Prezident ZŠA Donald Tramp zajaviŭ pierad vyletam ź vizitam u Vialikabrytaniju, što prezidentu Ukrainy Uładzimiru Zialenskamu daviadziecca zaklučyć ździełku dla zakančeńnia vajny, piša «Jeŭrapiejskaja praŭda».
Donald Tramp zrabiŭ svaju zajavu ŭ adkaz na pytańnie, ci sustreniecca jon ź Zialenskim u Ńju-Jorku, dzie źbiarecca pasiadžeńnie Hienasamblei AAN.
«Jamu daviadziecca pajści na ździełku, a Jeŭropa pavinna spynić kuplać naftu ŭ Rasii», — skazaŭ jon.
Amierykanski prezident dadaŭ, što, chutčej za ŭsio, jamu daviadziecca prysutničać na sustrečy Zialenskaha i prezidenta Rasii Uładzimira Pucina, kali jana adbudziecca.
«Patrebnyja dvoje, kab tancavać tanha. Hetyja dvoje, Zialenski i Pucin, jany nienavidziać adzin adnaho. Zdajecca, mnie daviadziecca siadzieć ź imi ŭ adnym pakoi, bo jany nie mohuć znachodzicca tam udvaich. Vialikaja nianaviść pamiž imi».
Raniej amierykanski sienatar-respublikaniec Lindsi Hrem zajaviŭ, što Vienhryja i Słavakija mohuć sutyknucca z nastupstvami, kali nie spyniać kuplać rasijskuju naftu. U svaju čarhu, prezident Ukrainy Uładzimir Zialenski zaklikaŭ kiraŭnika Biełaha doma zaniać «vyraznuju pazicyju» adnosna sankcyj suprać Rasii i harantyj biaśpieki dla Ukrainy, kab spynić Pucina i pakłaści kaniec vajnie.
Ciapier čytajuć
28‑hadovaj biełaruscy paśla žudasnaj avaryi ŭ Tajłandzie nie mohuć akazać dapamohu — niama patrebnaj kryvi1
Kamientary
U nich nado sprašivať, a nie obviniať vo vsiem Trampa.
Siejčas naletiat boty Franaka s minusami))
Uvažajemyj Donald Trampovič,vy łučšie povlijajtie na putina,čto by on vydvihał riealističnyje usłovija. Zielenskij choť i nienavidit putina nie vydvihajet usłovija faktičieskoho kontrola hranic ot 1991 hoda.