Jeŭrasajuz adkazaŭ na patrabavańnie Trampa admovicca ad rasijskich enierharesursaŭ
Jeŭrapiejski Sajuz praciahvaje kurs na pastupovaje, ale poŭnaje vyciskańnie rasijskich enierharesursaŭ sa svaich rynkaŭ. Pra heta paviedamiła pradstaŭnica Jeŭrapiejskaj kamisii Paŭła Pińju, kamientujučy dla «Radyjo Svaboda» patrabavańnie prezidenta ZŠA Donalda Trampa da jeŭrapiejskich krain spynić impart rasijskaha hazu i nafty.
Jeŭračynoŭnica padkreśliła, što praces pačaŭsia jašče niekalki hadoŭ tamu, z pačatku vajny va Ukrainie, i ciapier Jeŭrasajuz maje dakładnuju «darožnuju mapu» i zakanadaŭčyja prapanovy.
Pavodle słoŭ Paŭły Pińju, havorka idzie pra płanavuju i paśladoŭnuju admovu ad usich vidaŭ rasijskaha vykapniovaha paliva, u tym liku ad astatnich pastavak hazu, što jašče traplajuć u krainy ES.
Płan Jeŭrasajuza praduhledžvaje poŭnaje spynieńnie impartu rasijskaha hazu i nafty da kanca 2027 hoda. Jon byŭ raspracavany zadoŭha da taho, jak Tramp pastaviŭ heta ŭmovaj dla ŭviadzieńnia ZŠA novych «surjoznych» sankcyj suprać Rasii.
Jeŭrakamisija taksama paviedamiła, što paskoranaje skaračeńnie zakupak rasijskich enierharesursaŭ moža ŭvajści ŭ nastupny, 19-y pakiet sankcyj Jeŭrasajuza, jaki ciapier rychtujecca.
Pres-sakratar Jeŭrakamisii Ołaf Hił adznačyŭ, što siarod mahčymych zachadaŭ abmiarkoŭvajucca nie tolki paskareńnie admovy ad rasijskich nafty i hazu, ale i pierakryćcio schiemaŭ z udziełam cieniavoha fłotu dy trecich krain, jakija vykarystoŭvajucca dla abychodu dziejnych abmiežavańniaŭ. Pry hetym jon padkreśliŭ, što Brusiel nie budzie kamientavać vykazvańni Trampa ŭ sacyjalnych sietkach, a budzie zasiarodžvacca na ŭłasnaj pracy.
Dniami Donald Tramp zajaviŭ, što Vašynhton uviadzie dadatkovyja sankcyi suprać Maskvy tolki ŭ tym vypadku, kali ŭsie krainy NATA spyniać zakupki rasijskaj nafty.
U svaju čarhu, prezident Jeŭrapiejskaj rady Antoniu Kosta ŭ pačatku vieraśnia paviedamiŭ, što za apošnija hady impart rasijskich nafty i hazu ŭ ES užo źniziŭsia na 80%. Pry hetym jon adznačyŭ, što asnoŭnym spažyŭcom astatnich abjomaŭ zastajecca Vienhryja.
Jašče ŭ červieni Jeŭrakamisija prapanavała płan poŭnaj admovy ad rasijskich nafty i hazu, u tym liku ad zvadkavanaha hazu, z kančatkovym terminam da 2027 hoda.
Tramp upieršyniu nazvaŭ Rasiju ahresaram
Tramp pastaviŭ novyja ŭmovy dla ŭviadzieńnia «maštabnych» sankcyj suprać Rasii
ZŠA prapanavali krainam G7 pačać kanfiskacyju zamarožanych reziervaŭ Rasii
U Trampa «chutka zakančvajecca» ciarpieńnie, jon anansavaŭ novyja sankcyi suprać Rasii
U ZŠA zajavili, što mohuć abrynuć ekanomiku Rasii. Ale treba dapamoha Jeŭropy
Ciapier čytajuć
Ciahnik Pinsk—Minsk spyniŭsia pad Dziaržynskam biez aciapleńnia. Paśla prybyćcia ŭ stalicu pasažyraŭ razabrali ludzi z sacsietak i raźvieźli pa chatach8
Kamientary
Niachaj Jeŭropa sama vyrašaje svaje pytańni z Rasiejaj, jakuju sama ž kormić hrašyma.