Tramp pastaviŭ novyja ŭmovy dla ŭviadzieńnia «maštabnych» sankcyj suprać Rasii
Krainy NATO pavinny sami ŭvieści takija abmiežavańni, a taksama myty ŭ dačynieńni da Kitaja i spynić zakuplać rasijskuju naftu. Tramp pry hetym zamaŭčaŭ, što naftu ŭ Rasii praciahvajuć zakuplać tolki ideałahična blizkija jamu Vienhryja i Słavakija.
Pra heta prezident ZŠA paviedamiŭ u liście, adpraŭlenym «usim krainam NATO i śvietu».
Ź jahonych słoŭ, toje, što krainy, jakija ŭvachodziać u aljans, pradaŭžajuć zakuplać naftu ŭ Rasiei «mocna asłablaje vašu pieramoŭnuju pazicyju i ryčahi cisku na Rasieju».
Taksama «akaža vialikuju dapamohu ŭ spynieńni hetaj śmiarotnaj, ale absurdnaj vajny» ŭviadzieńnie krainami NATA pošlin» ad 50% da 100% na Kitaj, jakija buduć całkam źniatyja paśla zakančeńnia vajny pamiž Rasijaj i Ukrainaj», ličyć Donald Tramp.
«Ja hatovy dziejničać, kali vy budziecie hatovyja. Prosta skažycie, kali. Kali NATO zrobić tak, jak ja kažu, vajna chutka skončycca, i ŭsie hetyja žyćci buduć vyratavanyja! Kali niama, vy prosta marnujecie moj čas, a taksama čas, siły i hrošy Złučanych Štataŭ», — napisaŭ prezident ZŠA.
U svaim dopisie Tramp uzhadaŭ, što heta vajna Bajdena i Zialenskaha, ale navat nie zhadaŭ Pucina i Rasiju — choć nie Ukraina atakavała Rasiju, a Rasija ŭvarvałasia va Ukrainu i zachapiła jaje terytoryi.
U realnaści Jeŭropa skaraciła zakupki rasijskaj nafty z 16,4 młrd dołaraŭ u 2021 hodzie da 1,7 młrd u 2025. Pryčym ciapier rasijskuju naftu zakuplajuć u asnoŭnym Vienhryja i Słavakija — dzie va ŭładzie siły, ideałahična blizkija Trampu. Ich u svaim paście Tramp nie zhadvaje.
Da 2027 hoda Jeŭropa płanuje całkam admovicca ad zakupak rasijskaha zvadkavanaha pryrodnaha hazu na spocie.
Ciapier čytajuć
Minčanka Anhielina, jakaja prasiła ŭ Łukašenki kvateru za trojniu, atrymała žyllo9
Minčanka Anhielina, jakaja prasiła ŭ Łukašenki kvateru za trojniu, atrymała žyllo
Basist «Piatli», jaho 18‑hadovy syn i zorka «Raźbitaha serca pacana» — raskazvajem pra biełaruskamoŭny hurt Prypiać, jaki prezientavaŭ aŭtarskuju «Kałychanku»1111
Kamientary
I tut cikava jak chutka paviernucca mazhi ŭ jeŭrapiejskich vybarščykaŭ, kab palityčny isteblišment, jaki ich pradstaŭlaje, vymušany byŭ prajavić palityčnuju volu.
Kaliści jašče ŭvosień kamientavaŭ, što Tramp - čorny lebiedź Pucina. Maŭlaŭ, Tramp prymusić Jeŭropu spadziavacca tolki na samich siabie, a Pucina i Kreml Tramp taksama kinie.
Zrazumieła, "za 24 hadziny" takija płanietarnyja salta ź piruetam nie robiacca, nu pabačym, chočacca spadziavacca na lepšaje.