U hety čas u Ńju-Jorku pavinna adbycca Hienasambleja AAN, u jakoj prymuć udzieł abodva lidary.
— Jon [Tramp] budzie praciahvać sprabavać [dasiahnuć miru ŭ vajnie Rasii suprać Ukrainy]. Kali mir mahčymy, jon choča jaho dasiahnuć, — skazaŭ dziaržaŭny sakratar ZŠA Marka Rubia. — U niejki momant prezident moža pryjści da vysnovy, što heta niemahčyma. Jon jašče nie pryjšoŭ da hetaha, ale moža pryjści.
Napiaredadni Tramp zajaviŭ, što ličyć amal niemahčymaj chutkuju sustreču prezidentaŭ Rasii i Ukrainy tet-a-tet, tamu što, na dumku prezidenta ZŠA, jany «nastolki nienavidziać adzin adnaho, što amal nie mohuć razmaŭlać».
Kreml taksama pryznaŭ, što pieramovy dźviuch krain «pastaŭleny na paŭzu».
Tramp šmat razoŭ pahražaŭ uvieści suprać Rasii novyja sankcyi pry adsutnaści prahresu ŭ dasiahnieńni pieramirja, ale tak hetaha i nie zrabiŭ.
Kamientary