Litoŭskija ŭłady admaŭlajuć, što bajavy dron, jaki ŭpaŭ u Litvie, zapuścili ź Biełarusi
Litoŭski Nacyjanalny centr kiravańnia kryzisami (NCKK) abvierhnuŭ infarmacyju, jakaja źjaviłasia ŭ ŚMI, što bieśpiłotnik, jaki ŭ kancy lipienia ŭpaŭ u Litvie, byŭ zapuščany z terytoryi Biełarusi, paviedamlaje LRT.
Pra zapusk drona ź Biełarusi paviedamlaŭ partał Delfi, spasyłajučysia na ananimnyja krynicy, pavodle słoŭ jakich heta była śpiecyjalnaja apieracyja dla pravierki bajazdolnaści litoŭskaj sistemy SPA i psichałahičnaha cisku.
Aficyjna ni Ministerstva abarony, ni armija Litvy takuju viersiju nie paćvierdzili.
U kancy lipienia litoŭskaja palicyja paviedamlała: u Litvu ź Biełarusi zalacieŭ nieviadomy dron, jaki ŭrešcie byŭ znojdzieny na palihonie ŭ Janaŭskim rajonie. Jon mieŭ prymacavany vybuchovy zarad vahoj kala dvuch kiłahramaŭ.
Raniej, 10 lipienia, taksama byŭ zafiksavany padobny incydent — u pavietranuju prastoru Litvy ź Biełarusi zalacieŭ bieśpiłotnik «Hierbiera». Pavodle infarmacyi słužbaŭ, jon niebiaśpieki nie ŭjaŭlaŭ, ale rasśledavańnie hetaha incydentu praciahvajecca dahetul.
U svaim kamientary NCKK zajaviŭ, što najaŭnyja na siońniašni dzień vyniki rasśledavańnia dazvalajuć trymacca pieršapačatkovaj viersii: drony byli zapuščanyja Rasijaj u bok Ukrainy, a ŭ Litvu trapili vypadkova. Hienprakuratura viadzie rasśledavańnie razam z nacyjanalnymi i mižnarodnymi partniorami, kab jano było maksimalna abjektyŭnym i poŭnym.
NCKK taksama adznačaje, što raspaŭsiudžvańnie nieaficyjnych i ananimnych interpretacyj u ŚMI ŭvodzić hramadstva ŭ zman.
Bajavy dron, jaki ŭ kancy lipienia pralacieŭ nad Vilniaj, zapuskaŭsia ź Biełarusi
U aeraporcie Vilni z-za drona zatrymałasia pasadka samalota z prezidentam Litvy
Prylot drona ź Biełarusi ŭ Litvu rasśledujuć jak epizod vajennych złačynstvaŭ
Litva nakiravała Biełarusi notu pratestu z-za incydentu z dronam
NATA «ŭvažliva sočyć za situacyjaj» z dronam u pavietranaj prastory Litvy
«Maje śpinahryzy sa mnoj». Cichanoŭskaja raskazała, što ŭžo vybiraje dla dziaciej škołu ŭ Varšavie12
Kamientary