NATA «ŭvažliva sočyć za situacyjaj» z dronam u pavietranaj prastory Litvy
NATA ŭvažliva naziraje za situacyjaj vakoł paviedamleńniaŭ pra praniknieńnie ŭ pavietranuju prastoru Litvy, vierahodna, rasijskich bieśpiłotnikaŭ z terytoryi Biełarusi, pakul praciahvajucca nacyjanalnyja rasśledavańni. Pra heta paviedamiŭ aficyjny pradstaŭnik aljansu, piša «Jeŭrapiejskaja praŭda».
U zajavie adznačajecca, što «nacyjanalnyja rasśledavańni praciahvajucca, i my ŭvažliva sočym za raźvićciom padziej».
Pradstaŭnik aljansu taksama padkreśliŭ, što NATA «pracuje razam z sajuźnikami dla harantavańnia našaj ahulnaj biaśpieki» i što «naša addanaść abaronie kožnaha sajuźnika zastajecca niaźmiennaj».
28 lipienia ŭ Litvie aficyjna paviedamili, što nad terytoryjaj krainy byŭ zafiksavany bieśpiłotnik nieviadomaha typu, jaki, pavodle papiaredniaj infarmacyi, zalacieŭ z boku Biełarusi.
Padobny incydent užo adbyvaŭsia 10 lipienia — tady praź Biełaruś u pavietranuju prastoru Litvy trapiŭ rasijski BPŁA typu «Hierbiera». Paśla taho Litva nakiravała Biełarusi notu pratestu.
Kamientary