Prylot drona ź Biełarusi ŭ Litvu rasśledujuć jak epizod vajennych złačynstvaŭ
Zalot bieśpiłotnika ź Biełarusi ŭ Litvu, jaki zdaryŭsia 28 lipienia, rasśleduje Biuro kryminalnaj palicyi Litvy, jakoje znachodzicca pad kantrolem Hienieralnaj prakuratury, paviedamlaje LRT sa spasyłkaj na ahientcva BNS.
«Incydent (…) rasśledujecca jak asobny epizod dasudovaha rasśledavańnia vajennych złačynstvaŭ va Ukrainie, jakoje kantralujuć prakurory Departamienta pa rasśledavańni arhanizavanaj złačynnaści i karupcyi Hienieralnaj prakuratury. Rasśledavańnie pravodzić Biuro kryminalnaj palicyi Litvy», — zajavili ŭ subotu pradstaŭniki prakuratury.
Bieśpiłotny latalny aparat, jaki zalacieŭ u Litvu ź Biełarusi ŭ pačatku tydnia, upaŭ i byŭ znojdzieny ŭ piatnicu na Hajžunskim palihonie ŭ Jonaŭskim rajonie (niedaloka ad Koŭna).
Pavodle papiarednich źviestak, bieśpiłotnik padobny da rasijskaha drona «Hierbiera». «Hierbiera» pryznačana dla padmanu sistem SPA, pakolki jon vizualna nahadvaje bajavy bieśpiłotnik Shahed.
Vajskoŭcy prytrymlivajucca viersii, što heta byŭ rasijski bieśpiłotnik, jaki prylacieŭ u Litvu z Ukrainy praź Biełaruś. Jaho asnoŭnaj zadačaj było ŭvieści ŭ zman ukrainskuju sistemu SPA. Śledčyja pakul nie vyznačyli, ci pieravoziŭ dron vybuchoŭku i čamu jon upaŭ.
U piatnicu Litva nakiravała Biełarusi notu pratestu z-za incydentu z dronam.
Heta ŭžo druhi vypadak parušeńnia pavietranaj prastory Litvy dronam, jaki prylacieŭ z terytoryi Biełarusi. 10 lipienia ŭ Litvu trapiŭ bieśpiłotnik «Hierbiera».
Ciapier čytajuć
Najbujniejšaj u śviecie fan-supolnaściu Łedzi Hahi kiruje chłopiec ź Minska, jaki adsiedzieŭ za pratesty. Rasijanie paśpiašalisia zapisać jaho ŭ svaje1616
Kamientary
A čamu nie Rasiei? Rasieja im nie vorah, ci što?
Karaciej, cyrk na drocie.
Sudzić treba pierš za ŭsio svaich abołtusaŭ, chto hety dron prapuściŭ praz usiu krainu i stalicu na vajenny palihon! Z vajennymi złačynstvami ukraincy biaz vas raźbiarucca.