Rasijskaja turystka stała pavodzić siabie jak trochhadovaje dzicia: jana kuryć rasčosku i pje łaśjon
Usio paśla atrymanaj traŭmy hałavy.
Rasijskaja turystka pačała pavodzić siabie jak trochhadovaje dzicia paśla taho, jak upała kala basiejna ŭ Tajłandzie i zahavaryła na staražytnaruskaj: kuryć rasčosku, pje łaśjon i hublaje sutnaść razmovy praz try siekundy.
Pavodle Mash, tajskija daktary prahledzieli niekroz, amputavali vucha i praz paru dzion vypisali dadomu — biez trepanacyi, maŭlaŭ, i tak projdzie. Ciapier žančyna paznaje svajakoŭ na paru siekund i adrazu zabyvaje. Maci kaža, što byccam znoŭ vychoŭvaje trochhadovuju dačku.
Chutka ich čakajuć u Tomsku — u NDI psichičnaha zdaroŭja buduć sprabavać viarnuć žančynu ŭ realnaść.
45‑hadovaja Alena z Tomska pa adukacyi fiłołah. Jana pryjechała na kurort adnavić siły paśla pachavańnia baćki. Na druhi dzień žančyna paśliznułasia na prystupkach basiejna, udaryłasia hałavoj i ŭpała ŭ vadu — jaje vyciahnuli i vyklikali chutkuju. Miedyki dyjahnastavali čerapna-mazhavuju traŭmu, pierałom vucha i stratu pamiaci. Rekamiendacyja — trepanacyja čerapa.
Turystka całkam straciła pamiać. Jana nie pamiataje svajho imia i nie paznaje blizkuju siabroŭku. Bolš za toje, žančyna kamunikuje z navakolnymi vyklučna na staražytnaruskaj movie.
U čym pryčyna hetaha fienomienu, nieviadoma. Vierahodna, heta źviazana z tym, što Alena skončyła fiłfak, dzie jakraz vyvučała staražytnaruskuju.
Niadaŭna pra padobnuju historyju paviedamlali ŭ Niderłandach. Tam 17‑hadovy chłopiec paśla apieracyi na kalenie zabyŭsia rodnuju movu i pačaŭ razmaŭlać z usimi na anhlijskaj. Jon dumaŭ, što apynuŭsia ŭ ZŠA.
-
«U kałonii canili pieradačy prapahandystki Skabiejevaj». Były palitviazień Jaŭhien Mierkis raskazaŭ, jak vyžyvaŭ za kratami
-
Biełaruska atrymała polskuju vizu, ale nie pačała pa joj jeździć da zakryćcia miažy. Ci puściać jaje ciapier u ES?
-
17-hadovaja biełaruska, zatrymanaja za zapusk drona ŭ Varšavie, pryjechała ŭ Polšču ŭsiaho niekalki dzion tamu
Da «Dnia narodnaha adzinstva» pamiłavali 25 čałaviek4
Kamientary