Chto taja dziaŭčyna, što siadzieła pobač z Łukašenkam na konkursie «Mis Biełaruś»? Raniej ich nie bačyli razam
Niadaŭniaja vypusknica BNTU Nadzieja Toŭścikava raniej nie źjaŭlałasia na publicy razam z Łukašenkam, ale zaśviaciłasia na mnohich inšych mierapryjemstvach.
Nadziei Toŭścikavaj 23 hady. Rodam jana ź Jurcava — bujnoj vioski ŭ Aršanskim rajonie. Admietnaja vioska najpierš Pałacava-parkavym ansamblem, stvoranym u 19 stahodździ rasijskimi dvaranami Lubamirskimi.
Vučyłasia Nadzieja ŭ Jurcaŭskim sadku-škole. Užo ŭ škole jana była aktyvistkaj BRSM i kiravała vałanciorskim atradam arhanizacyi. Siarod inšaha, jany, naprykład, dapamahali dziciačym damam. Vypuściłasia ŭ 2019 hodzie z pačesnaj hramataj ad BRSM.
Nadzieja pastupiła ŭ Biełaruski nacyjanalny techničny ŭniviersitet na śpiecyjalnaść «inžynier-budaŭnik aŭtamabilnych daroh i aeradromaŭ» fakulteta transpartnych kamunikacyj. Tam jana taksama była aktyvistkaj praŭładnych arhanizacyjaŭ — kiravała studenckaj radaj fakulteta, aktyŭničała ŭ BRSM i na roznych aficyjoznych mierapryjemstvach.
U 2021 jana stała «Mis Viva Braslav». Pra siabie jana kazała:
«Kali ja znajomlusia z chłopcam, to najpierš hladžu na jahony intelekt. Kali jon jość, to šansaŭ u mianie mała».
U 2022-m hodzie jana ŭvajšła ŭ finał konkursa «Mis BNTU», ale nie vyjhrała. U tym ža hodzie jaje zaprasili na Navahodni bal u Pałac Niezaležnaści — štohadovaje mierapryjemstva, dzie prysutničaje Łukašenka i kudy zaprašajuć usich jahonych budučych favarytak.
Pa vynikach 2022 hoda fota dziaŭčyny paviesili na došku honaru BNTU i dali stymulujučuju vypłatu savieta BNTU «za aktyŭny ŭdzieł u hramadskaj dziejnaści».
Pra siabie ŭ intervju BNTU Times Nadzieja kazała, što lubić «aktyŭny adpačynak, mituśniu, kali ŭvieś dzień raśpisany i ni na što niama času… Razumieńnie, što dalej bolej i ty prosta abaviazany dakazać usiamu śvietu, što niečaha varty». U volny čas, kazała Nadzieja, jana lubić čytać i stralać sa zbroi.
A ŭ 2023-m Toŭścikava spačatku ŭvajšła ŭ finał, a paśla vyjhrała konkurs «Mis Minsk». Udzielnikaŭ vazili pa roznych miescach — u Pałac Niezaležnaści, u Teatr lalek, na roznyja kursy pa tym, jak pramaŭlać i trymać siabie na scenie.
Bolš za ŭsio Toŭścikavaj, pa jaje słovach, spadabaŭsia Pałac Niezaležnaści: «Ja ŭ zachapleńni ad taho, što my naviedali zali, takija značnyja dla našaj dziaržavy, u jakich prachodzili niejmaviernyja padziei dla našaj dziaržavy i ŭsiaho śvietu». A ŭ Teatry lalek jana ŭzhadała, jak jany ŭ škole rabili batlejku da Rastva.
U 2023-m hodzie jana pajšła na konkurs «Mis Biełaruś» i trapiła ŭ top-10 udzielnic, ale nie vyjhrała. Ale Toŭścikavu ŭsio roŭna ŭznaharodzili — jana stała «Mis top-madel Biełarusi».
U 2023-m Toŭścikava razam ź inšymi pradstaŭnicami Nacyjanalnaj škołaj pryhažości i Vadzimam Hihinym pajechali na palihon śpiecpadraździaleńniaŭ unutranych vojsk MUS. Tam ich apranuli ŭ formu, pafatahrafavali i dali pastralać.
«Uraziŭšysia žaleznaj dyscyplinaj, vypraŭkaj i ŭmieńniami vajskoŭcaŭ, jany pryjšli da adnaznačnaj vysnovy: kožny mužčyna pavinien abaviazkova adsłužyć u armii, umieć sa zbrojaj abaraniać Ajčynu i być sapraŭdnym patryjotam, mienavita ŭ takich ludziach jany bačać nadziejnuju aporu i spadarožnikaŭ žyćcia», — piša MUS pra heta mierapryjemstva.
U lutym 2024-ha Nadzieja ahitavała ŭdzielničać u Adzinym dni hałasavańnia. U krasaviku sustrakała pieršuju kaśmičnuju turystku ź Biełarusi Marynu Vasileŭskuju. Paśla była na adkryćci Usiebiełaruskaha narodnaha schodu.
Apošni raz jana źjaŭlałasia na publicy ŭ sakaviku 2025-ha — raskazvała ŭdzielnicam «Mis Minsk — 2025» pra toje, jak pravilna ŭdzielničać u konkursie.
«Naša Niva» — bastyjon biełaruščyny
PADTRYMAĆCiapier čytajuć
Zatrymali čarhovaha čałavieka hoda Viciebščyny, deputata Viciebskaha abłsavieta Dźmitryja Kalahu2
Zatrymali čarhovaha čałavieka hoda Viciebščyny, deputata Viciebskaha abłsavieta Dźmitryja Kalahu
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich1717
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich17
«Da lejtenanta pryjechała maładaja žonka, pabačyła, što adbyvajecca ŭ zonie, i zastreliłasia». Vyjšła zaklučnaja častka ŭspaminaŭ Ryhora Biarozkina pra HUŁAH i saviecki Minsk1818
Kamientary