Pamiatajecie minčuka, jaki razam z maci prapuściŭ cieła zabitaj dziaŭčyny praź miasarubku? Dziadok kaža, što jon u turmie zvarjacieŭ
U 2014 hodzie ŭsiu Biełaruś skałanuła žachlivaja historyja, kali tady 26‑hadovy Pavieł Cyniaŭski zabiŭ 18‑hadovuju Juliju Sałamacinu, a paśla, imknučysia schavać ślady, pry dapamozie svajoj maci rasčlaniŭ cieła, zvaryŭ unutranyja orhany i prapuściŭ ich praź miasarubku. Zabojca atrymaŭ 17 hadoŭ źniavoleńnia, a ciapier vyzvaleny 11 vieraśnia były palitźniavoleny Mikoła Dziadok raskazaŭ, što ź im zdaryłasia ŭ turmie.
«Padčas usiaho źniavoleńnia praciahvalisia nackoŭvańni na mianie. Dvojčy ja zaznaŭ źbićcio ŭ kamierach. Mianie sadzili admysłova ź ludźmi z krajniaj stupieńniu šyzafrenii, ź jakimi znachodzicca pobač 15 chvilin — užo było katavańnie. Raskažu vypadak, pra jaki ja płanavaŭ paźniej raskazać.
U 2015 hodzie ŭ Minsku sudzili takoha Paŭła Cyniaŭskaha za toje, što jon zabiŭ dziaŭčynu ŭ svajoj kvatery, rasčlaniŭ, prapuściŭ jejnaje cieła praź miasarubku i zmyŭ va ŭnitaz; jon chavaŭsia dva tydni, a potym sam zdaŭsia.
Jamu dali 17 hadoŭ, a za kratami jon zachvareŭ na mocny psichičny razład. Ja pabačyŭ jaho na hrodzienskaj «krytaj», kali jaho zaviali ŭ maju kamieru. U maleńkaj kamiery ź im ja prasiadzieŭ vosiem dzion. Z pavahi da jaho rodnych ja nie chacieŭ by zaraz pierakazvać, što jon zaraz ź siabie ŭjaŭlaje.
Ja liču, što ŭtrymańnie ź im u kamiery źjaŭlajecca sapraŭdnaj formaj katavańniaŭ, bo navat piać chvilin ź im u adnym pamiaškańni pravieści ciažka i niebiaśpiečna. Administracyja chacieła, kab ja pačaŭ łamicca z hetaj kamiery, pryniziŭsia i pačaŭ ich prasić adsadzić ad jaho. Ale ja nie rabiŭ hetaha pryncypova i vytrymaŭ hetyja vosiem dzion», — raskazaŭ Mikoła Dziadok.
Ciapier čytajuć
Biaspałaŭ namalavaŭ ludziej sa ściahami ŭ centry Minska i adpraviŭ fota ŭ milicyju. Źjechalisia try mašyny ź mihałkami52
Kamientary
a da hetaha jon typu narmalny byŭ?