Kryminalnaja sprava za ŭchileńnie ad słužby ŭ vojsku nie budzie vyzvalać ad samoj słužby
U Biełarusi razhladajuć zakonaprajekt, jaki moža istotna źmianić padychod da pryzyvu hramadzian u vojska. Pavodle prapanavanych źmienaŭ, na terminovuju vajskovuju słužbu buduć pryzyvać nie tolki tych, chto ŭchilajecca ad pryzyvu, ale i tych, suprać kaho ŭžo raspačataja kryminalnaja sprava abo idzie sudovaje raźbiralnictva za ŭchileńnie, piša Sputnik.
Jak udakładniŭ deputat Pałaty pradstaŭnikoŭ Juryj Marecki, hałoŭnaja ideja zakonaprajekta ŭ tym, kab zamacavać u zakonie mahčymaść pryzyvu asobaŭ, jakija «śviadoma paźbiahali» mierapryjemstvaŭ pryzyvu.
Faktyčna heta aznačaje, što kryminalnaja adkaznaść za ŭchileńnie nie zdymajecca, ale takija hramadzianie dadatkova mohuć być nakiravanyja ŭ armiju.
Zakonaprajekt prajšoŭ niekalki etapaŭ uzhadnieńnia — u pastajannych kamisijach Pałaty pradstaŭnikoŭ, sakrataryjacie, a taksama ŭ Nacyjanalnym centry zakanadaŭstva i pravavych daśledavańniaŭ. Paśla dapaŭnieńniaŭ i karektavańniaŭ zakonaprajekt uzhadnili z Savietam Ministraŭ.
Dalej dakumient trapiŭ na razhlad da Łukašenki. Pavodle aficyjnaj infarmacyi, ni zaŭvah, ni prapanoŭ ź jahonaha boku nie pastupiła. Heta aznačaje, što zakonaprajekt atrymaŭ «zialonaje śviatło» i ciapier nakiravany ŭ Saviet Respubliki, dzie jaho taksama pavinny razhledzieć i zaćvierdzić.
«Zabrali jaho. Nie kinieš ža, usio ž taki naš čałaviek». Łukašenka vykazaŭsia pra Statkieviča17
«Zabrali jaho. Nie kinieš ža, usio ž taki naš čałaviek». Łukašenka vykazaŭsia pra Statkieviča
«U vyniku jon skazaŭ mnie: «Chopić mianie šantažavać, ja chaču palubavacca hetymi drevami». Aksana Kołb raskazała, pra što razmaŭlała sa Statkievičam na miažy88
Kamientary