Ukrainiec i 17-hadovaja biełaruska. Palicyja Varšavy ŭdakładniła infarmacyju pra zatrymanych z dronam
Słužba achovy Polščy ŭčora niejtralizavała dron, jaki lotaŭ nad uradavymi budynkami ŭ centry polskaj stalicy. Palicyja rasśleduje abstaviny incydentu.
Pavodle apošniaj infarmacyi palicyi, pa spravie byli zatrymanyja dźvie asoby: 21-hadovy hramadzianin Ukrainy i 17-hadovaja hramadzianka Biełarusi. Zatrymańnie adbyłosia ŭ paniadziełak kala 19-j hadziny, paviedamlaje TVP Info.
Ab incydencie i ŭžytych pracedurach byŭ zapytany ŭ efiry TVN24 namieśnik ministra ŭnutranych spraŭ i administracyi Maciej Duščyk.
— Dron lotaŭ na terytoryjach, na jakich nie pavinien byŭ być. Jon byŭ źbity. Zatrymanyja taksama asoby, jakija kiravali hetym dronam. (…) Hetyja asoby byli dapytanyja ŭnačy. Pahladzim, jakimi buduć vyniki hetych praceduraŭ, — skazaŭ Duščyk. — Dla mianie vielmi dobraja navina — heta toje, što ŭsio adbyłosia vielmi chutka: źjaviŭsia dron i litaralna praz karotki čas byŭ niejtralizavany, a asoby zatrymanyja. Dziaržava znoŭ spracavała, — dadaŭ jon.
Ułady pakul nie ahučyli mety maładych ludziej, ale havorka moža iści jak pra nieabdumany zapusk drona ŭ zabaronienaj dla palotaŭ zonie centra Varšavy, tak i pra metanakiravany zbor infarmacyi abo pravierku reakcyi słužbaŭ biaśpieki.
Ciapier čytajuć
«Jana daŭnavata ŭ Biełarusi». Baćka Anžaliki Mielnikavaj pryznaŭsia, što jana žyvaja i zdarovaja103
Kamientary
Vidavočna, što adbyłosia i varšaviakam, i ŭsim, u kaho jość hłuzdy
Ale ŭžo namalavali arytkułaŭ z bajavymi dronami i biełaruskimi vajskoŭcami
Jašče i znovu lavica padmianiła ukrainca na biełarusa, kab usie pisaŭcy i kanfiederaty jašče bolš raźjušylisia daviedaŭšysia praŭdy