Łukašenka raskazaŭ, što amierykancy dumajuć nad kuplaj Niežynskaha rudnika kalijnych solaŭ
«Ale try miljardy — heta minimum».
Alaksandr Łukašenka raskazaŭ žurnalistam pra mahčymuju ździełku pa prodažy biełaruskaha rudnika amierykancam, piša BiełTA.
Łukašenka raskazaŭ, jak idzie padrychtoŭka «vialikaj ździełki» z ZŠA. Jon upieršyniu vykazaŭsia na hetuju temu padčas apošniaha Usiebiełaruskaha narodnaha schodu. Tady Alaksandr Łukašenka zajaviŭ, što prapanoŭvaŭ amierykancam kupić rudnik za 3 młrd dalaraŭ. U hetaj suviazi žurnalisty pacikavilisia, jak iduć spravy z patencyjnaj ździełkaj.
«Dumajuć (amierykancy). Ale try miljardy — heta minimum. A ŭrad paličyć zapasy, jašče niešta… Heta budzie daražej», — skazaŭ jon.
Pry hetym jon adznačyŭ, što dla ZŠA vialikaje značeńnie maje pytańnie koštu: «Jany bahatyja, ale płacić vialikija abo narmalnyja hrošy nie chočuć. Usie chočuć za biaspłatna».
Razmova viadziecca pra Niežynski horna-ŭzbahačalny rudnik u Lubanskim rajonie — druhoje pradpryjemstva ŭ Biełarusi pa zdabyčy kalijnaj rudy i vytvorčaści kalijnych uhnajeńniaŭ z mahutnaściu da 2 młn ton chłarydu kaliju ŭ hod.
Ciapier čytajuć
«Jana daŭnavata ŭ Biełarusi». Baćka Anžaliki Mielnikavaj pryznaŭsia, što jana žyvaja i zdarovaja100
Kamientary