Tramp prakamientavaŭ rezanansnaje zabojstva ŭ amierykanskim mietro ŭkrainskaj dziaŭčyny
Tramp adreahavaŭ na hučnaje zabojstva ŭkrainskaj biežanki, abvinavaciŭšy ŭ hetym demakrataŭ i ich, na jaho dumku, łajalnaje staŭleńnie da złačyncaŭ.
Tramp prakamientavaŭ zabojstva ŭkrainskaj biežanki, na jakuju napali ŭ Paŭnočnaj Karalinie.
U napadzie z nažom na 23-hadovuju Irynu Zaruckuju padazrajecca 34-hadovy biazdomny Dekarłas Braŭn-małodšy, jaki, jak miarkujecca, nie mieŭ nijakich vidavočnych matyvaŭ dla zabojstva. Pavodle źviestak presy, jon mieŭ prablemy ź psichičnym zdaroŭjem i ŭ minułym ździajśniaŭ inšyja złačynstvy.
22 žniŭnia amierykanskaja palicyja paviedamiła, što Zaruckaja pamierła na miescy ad nažavych ranieńniaŭ na čyhunačnaj stancyi ŭ horadzie Šarłot.
U piatnicu transpartnaja słužba raspaŭsiudziła kadry, na jakich vidać, jak Zaruckaja siadzić u ciahniku, i niejki čałaviek niekalki razoŭ bje jaje nažom zzadu.
Kadry vyklikali chvalu abureńnia ŭ sacyjalnych sietkach: čamu Braŭn znachodziŭsia na svabodzie?
«Ja hladzieŭ žudasnaje videa z pryhožaj, maładoj ukrainskaj biežankaj, jakaja prybyła ŭ Amieryku, kab schavacca ad žorstkaj vajny va Ukrainie i prosta jechała ŭ ciahniku ŭ horadzie Šarłot (Paŭnočnaja Karalina), kali na jaje žorstka napaŭ psichična nieŭraŭnavažany varjat. Vinavaty byŭ dobra viadomym prafiesijnym złačyncam, — napisaŭ Tramp. — Jakoha čorta jon jechaŭ u hetym ciahniku i ŭvohule hulaŭ pa vulicach? Takija złačyncy, jak jon, pavinny BYĆ ZA KRATAMI».
Trahiedyja adbyłasia ŭviečary 22 žniŭnia. 23-hadovaja hramadzianka Ukrainy Iryna Zaruckaja atrymała śmiarotnyja ŭdary nažom i pamierła na miescy.
Iryna Zaruckaja była mastačkaj i madellu. U ZŠA jana pierajechała ŭ 2023 hodzie, uciakajučy ad vajny va Ukrainie, vučyłasia ŭ kaledžy. U administracyi kaledža apisali Zaruckuju jak talenavituju i dobrazyčlivuju asobu.
«Jana pakinuła Ukrainu, kab palepšyć svajo žyćcio», — skazaŭ žurnalistam siabar siamji Zaruckaj. A ŭ rešcie rešt jaje zabili prosta tamu, što jana apynułasia nie ŭ tym miescy i nie ŭ toj čas.
Kamientary
U haradach, dzie zapraŭlajuć demakraty, adkryta admaŭlajuć i zabaraniajuć publikavać padobnyja videa, bo z-za hetaha "ludzi mohuć stać rasistami"
Heta pieraškadžaje multykulturalizmu i stabilnaści ŭ hramadstvie
Vypadak byŭ 2 tydni tamu, na minułym tydni tolki ŭ Kalifornii było jašče 2 padobnych: prosta zabivajuć minakoŭ, bo heta viesieła.