Трамп пракаментаваў рэзананснае забойства ў амерыканскім метро ўкраінскай дзяўчыны
Трамп адрэагаваў на гучнае забойства ўкраінскай бежанкі, абвінаваціўшы ў гэтым дэмакратаў і іх, на яго думку, лаяльнае стаўленне да злачынцаў.
Трамп пракаментаваў забойства ўкраінскай бежанкі, на якую напалі ў Паўночнай Караліне.
У нападзе з нажом на 23-гадовую Ірыну Заруцкую падазраецца 34-гадовы бяздомны Дэкарлас Браўн-малодшы, які, як мяркуецца, не меў ніякіх відавочных матываў для забойства. Паводле звестак прэсы, ён меў праблемы з псіхічным здароўем і ў мінулым здзяйсняў іншыя злачынствы.
22 жніўня амерыканская паліцыя паведаміла, што Заруцкая памерла на месцы ад нажавых раненняў на чыгуначнай станцыі ў горадзе Шарлот.
У пятніцу транспартная служба распаўсюдзіла кадры, на якіх відаць, як Заруцкая сядзіць у цягніку, і нейкі чалавек некалькі разоў б’е яе нажом ззаду.
Кадры выклікалі хвалю абурэння ў сацыяльных сетках: чаму Браўн знаходзіўся на свабодзе?
«Я глядзеў жудаснае відэа з прыгожай, маладой украінскай бежанкай, якая прыбыла ў Амерыку, каб схавацца ад жорсткай вайны ва Украіне і проста ехала ў цягніку ў горадзе Шарлот (Паўночная Караліна), калі на яе жорстка напаў псіхічна неўраўнаважаны вар’ят. Вінаваты быў добра вядомым прафесійным злачынцам, — напісаў Трамп. — Якога чорта ён ехаў у гэтым цягніку і ўвогуле гуляў па вуліцах? Такія злачынцы, як ён, павінны БЫЦЬ ЗА КРАТАМІ».
Трагедыя адбылася ўвечары 22 жніўня. 23-гадовая грамадзянка Украіны Ірына Заруцкая атрымала смяротныя ўдары нажом і памерла на месцы.
Ірына Заруцкая была мастачкай і мадэллю. У ЗША яна пераехала ў 2023 годзе, уцякаючы ад вайны ва Украіне, вучылася ў каледжы. У адміністрацыі каледжа апісалі Заруцкую як таленавітую і добразычлівую асобу.
«Яна пакінула Украіну, каб палепшыць сваё жыццё», — сказаў журналістам сябар сям'і Заруцкай. А ў рэшце рэшт яе забілі проста таму, што яна апынулася не ў тым месцы і не ў той час.
Цяпер чытаюць
У Касцюковічах праз біржу працы шукаюць намесніка старшыні райвыканкама — апошні кандыдат не прайшоў праверкі2
Каментары
У гарадах, дзе запраўляюць дэмакраты, адкрыта адмаўляюць і забараняюць публікаваць падобныя відэа, бо з-за гэтага "людзі могуць стаць расістамі"
Гэта перашкаджае мультыкультуралізму і стабільнасці ў грамадстве
Выпадак быў 2 тыдні таму, на мінулым тыдні толькі ў Каліфорніі было яшчэ 2 падобных: проста забіваюць мінакоў, бо гэта весела.