Dar‘ja Šmanaj: Adčuvaju siabie maskvičkaj

Aŭtary spytali Šmanaj, ci adčuvaje taja ŭžo siabie maskvičkaj?

— Chutčej tak. Usio ž taki ja tut užo amal 6 hadoŭ. Ja pierajechała ŭ Maskvu ŭ pačatku 2020 hoda, u składany pieryjad, kali śviet sutyknuŭsia z pandemijaj karanavirusa i ŭ Rasii byŭ uviedzieny łakdaŭn. Mnie vielmi padabajecca Maskva. Jana cudoŭnaja ŭ luby čas hoda, pastajanna raźvivajecca ŭ haradskim asiarodździ. Ja zaŭsiody lubiła hety horad, navat kali pryjazdžała siudy pa pracy. Adčuvaju siabie tut vielmi kamfortna. Maskva mianie pryniała, choć, jak mnie zdajecca, z Maskvoj nie byvaje paŭtonaŭ: jaje možna abo lubić, abo nienavidzieć. Ja jaje lublu, tamu i pryvykła. Rytm žyćcia ŭ Maskvie supadaje z maim asabistym rytmam, — adkazała Šmanaj.

U jaje taksama spytali, što ahulnaha pamiž našymi krainami, ci možna skazać, što ŭ nas adzin kulturny kod? 

— Biezumoŭna. U nas ahulnaja mova, historyja, kulturny kod. Kali kazać pra adroźnieńni pamiž krainami, to jany, viadoma, isnujuć u hieahrafii, infrastruktury, sacyjalna-ekanamičnym raźvićci rehijonaŭ. Ale pamiž stalicami ja nie baču adroźnieńniaŭ, za vyklučeńniem, mabyć, rytmu, tempu žyćcia. U Maskvie patok ranicaj niasie ciabie na pracu, uviečary — dadomu. U Minsku žyćcio bolš raźmierkavanaje, uparadkavanaje, ludzi niaśpiešnyja, spakojny darožny ruch. Kali ja doŭha znachodžusia ŭ Minsku pa pracy abo asabistych spravach, trochi sumuju pa maskoŭskaj dynamicy, tamu što ŭžo pryvykła da jaje. Jak ni kruci, Maskva — heta miehapolis, a Minsk — dom, dzie ciabie zaŭsiody čakajuć, — adkazała Šmanaj.

Na pytańnie pra lubimaje miesca ŭ rasijskaj stalicy daradca pasolstva skazała, što heta «Pakroŭski manastyr, dzie spačyvajuć moščy Matrony Maskoŭskaj».

— Časam u varjackim rytmie nadychodzić vyharańnie, byvaje składana znajści krynicu sił, tamu što nie ŭsio atrymlivajecca, i nie zaŭsiody byvaje lohka. Byvajuć pieryjady adčaju i smutku, jak va ŭsich. U Pakroŭski manastyr ja starajusia prychodzić kožny miesiac. Nieabaviazkova stajać u vielizarnaj čarzie da ikony abo moščaŭ. Možna prosta prajścisia pa terytoryi, jana vielmi pryhožaja, prosta pasiadzieć na łaŭcy, napoŭnicca hetaj atmaśfieraj, — raskazała Šmanaj. 

Pavialičyć

32-hadovaja Darja Šmanaj — udzielnica znakamitaha kavunovaha bataljona Łukašenki, jaho asabistaja pamočnica, «Karaleva Viasny — 2013», ciapier pracuje ŭ biełaruskim pasolstvie ŭ Maskvie, ale pa-raniejšamu ŭ važnych pajezdkach supravadžaje Łukašenku. 

• 0
• 5
• 1
• 21
• 1
• 0
• 8
• 0