Abjadnany pierachodny kabiniet vystupiŭ z zajavaj nakont pačatku biełaruska-rasijskich vučeńniaŭ
Abjadnany pierachodny kabiniet Biełarusi raspaŭsiudziŭ zajavu ŭ suviazi z pačatkam biełaruska-rasijskich vajskovych vučeńniaŭ «Zachad-2025», jakija projduć z 12 pa 16 vieraśnia.
Abjadnany pierachodny kabiniet Biełarusi zajaŭlaje, što
— praviadzieńnie sumiesnych z Rasijaj vajskovych vučeńniaŭ supiarečyć nacyjanalnym intaresam Biełarusi, bo źniešnija pahrozy, pra jakija havorać inicyjatary vučeńniaŭ, nasamreč całkam inśpiravanyja;
— na fonie vajny Rasii suprać Ukrainy, u jakoj režym Łukašenki źjaŭlajecca suahresaram, vajskovyja vučeńni «Zachad-2025» viaduć da eskałacyi napružanaści na kantyniencie i stvarajuć pahrozy dla rehijanalnaj biaśpieki;
— raźmiaščeńnie na terytoryi Biełarusi jadziernaj zbroi i ŭklučeńnie ŭ vučeńni płanaŭ pa jaje vykarystańni — prykład złačynnaj biezadkaznaści ŭ śfiery padtrymańnia mižnarodnaha miru i biaśpieki;
— masavaje parušeńnie pavietranaj prastory Polščy rasijskimi dronami z terytoryi Biełarusi paćviardžaje, što dziejańni Rasii niasuć niepasrednuju pahrozu krainam-susiedziam i destabilizujuć usiu sistemu biaśpieki ŭ Jeŭropie.
Taksama Kabinietpadtrymlivaje spraviadlivuju baraćbu Ukrainy za niezaležnaść, u jakoj prymajuć udzieł u tym liku biełaruskija dobraachvotniki i dobraachvotnicy, i padkreślivaje nieabchodnaść pryciahnieńnia da adkaznaści vinavatych za ahresiju;
— rašuča vystupaje suprać saŭdziełu režymu Łukašenki ŭ haniebnaj ahresii Rasii ŭ dačynieńni da Ukrainy, jakaja pačałasia paśla minułych vučeńniaŭ «Zachad-2022» z vykarystańniem terytoryi Biełarusi;
— zaścierahaje kiraŭnictva Uzbrojenych sił Biełarusi ad pravakacyj, jakija mohuć mieć niehatyŭnyja nastupstvy dla Biełarusi i susiednich krain, a taksama zaklikaje nie ŭdzielničać u pravakacyjach z boku Rasii;
— zaklikaje krainy ES zachoŭvać mahčymaść svabodnych ruchu i znosin praź miažu Biełarusi ź ES, kab paźbiehnuć izalacyi i abmiežavańnia suviaziej biełarusaŭ z vonkavym śvietam;
— paćviardžaje svaju pazicyju ab tym, što dla vychadu z unutrapalityčnaha kryzisu ŭ Biełarusi, jaki źjaŭlajecca pieršapryčynaj źniešniepalityčnaha kryzisu, nieabchodnaje praviadzieńnie Kruhłaha stała dla ŭmacavańnia suvierenitetu Biełarusi i jaje viartańnia da statusu donara rehijanalnaj stabilnaści.
Kamientary
A kabiniet choča zamiest hetaha "nieabchodnaje praviadzieńnie Kruhłaha stała dla ŭmacavańnia suvierenitetu Biełarusi i jaje viartańnia da statusu donara rehijanalnaj stabilnaści".