Ryžankoŭ pra vizit Sijarta ŭ Minsk: U Jeŭropie jość siły, jakija abjektyŭna aceńvajuć abstanoŭku
Vizit u Minsk ministra zamiežnych spraŭ i zamiežnaha handlu Vienhryi Pietera Sijarta demanstruje, što ŭ Jeŭropie jość siły i lidary, jakija abjektyŭna aceńvajuć abstanoŭku. Pra heta zajaviŭ žurnalistam ministr zamiežnych spraŭ Biełarusi Maksim Ryžankoŭ, piša BiełTA.
«Vizit ministra zamiežnych spraŭ i źniešniaha handlu Vienhryi ŭ Biełaruś čarhovy raz demanstruje, što ŭ Jeŭropie jość siły i, hałoŭnaje, lidary, jakija abjektyŭna aceńvajuć abstanoŭku i razumiejuć, što, znachodziačysia na vysokaj dziaržaŭnaj pasadzie, varta dziejničać u intaresach vyklučna svajoj dziaržavy i svajho naroda. Šlacham kanfrantacyi, cisku, eskałacyi napružanaści nielha pryjści da niečaha dobraha», — padkreśliŭ kiraŭnik MZS Biełarusi.
Maksim Ryžankoŭ adznačyŭ, što pamiž bakami skłałasia dobraja tradycyja rehularnych sustreč, a śpiektr tem, jakija na ich abmiarkoŭvajucca, pastajanna pašyrajecca i ciapier uklučaje nie tolki dvuchbakovy paradak dnia, ale i ŭvohule situacyju ŭ rehijonie i ŭzajemaadnosiny krain, u tym liku pytańni biaśpieki.
Maksim Ryžankoŭ padziakavaŭ vienhierskamu kalehu za ćviorduju pazicyju, jakaja datyčycca situacyi ŭ rehijonie.
«Vy sapraŭdy padtrymlivajecie realnyja prajekty, realnaje ŭmacavańnie ŭzajemaadnosin pamiž krainami našaha rehijona, — skazaŭ jon. — Vy vystupajecie za mirnaje ŭzajemadziejańnie i ŭstanaŭleńnie bolš vyhadnych uzajemaadnosin nie tolki z vašaj krainaj, ale i ź Jeŭrapiejskim sajuzam u cełym. My zaŭsiody rady bačyć vienhierskich partnioraŭ u ścienach MZS i ŭ Biełarusi. My hatovyja abmiarkoŭvać navat samyja adčuvalnyja pytańni, roznyja punkty hledžańnia».
Ministr adznačyŭ blizkaść pazicyj Biełarusi i Vienhryi ŭ razumieńni situacyi. Pavodle jaho słoŭ, jość šmat kropak sudakranańnia, šmat napramkaŭ dla raźvićcia i ŭmacavańnia ŭzajemavyhadnaha supracoŭnictva
«My bačym, što Vienhryja dziejničaje ŭ pieršuju čarhu, zychodziačy sa svaich nacyjanalnych intaresaŭ, što nie zaŭsiody charakterna dla inšych krain Jeŭrasajuza», — zaŭvažyŭ jon.
-
«Dziesiacihadovaje dzicia AMAP pakładzie ŭ padłohu?» Treš-błohier Mellstroy adreahavaŭ na pryznańnie siabie ekstremistam
-
Biełarusa niekalki miesiacaŭ pierakidali ad doktara da doktara i nie chacieli špitalizavać, pakul naha nie pačała hnić
-
Cichanoŭskaja nazvała pryznačeńnie Koŭła «abnadziejvajučym krokam»
Tramp zajaviŭ, što iduć pieramovy pra vyzvaleńnie jašče 50 biełaruskich palitviaźniaŭ, i nazvaŭ ich «zakładnikami»44
Tramp zajaviŭ, što iduć pieramovy pra vyzvaleńnie jašče 50 biełaruskich palitviaźniaŭ, i nazvaŭ ich «zakładnikami»
«U turmie ja lubiŭ vynosić śmiećcie». Historyja Mandeły, jaki razumieŭ, što niemahčyma zamanić voraha ŭ zasadu, kali nie viedaješ, jak myślać jaho hienierały66
«U turmie ja lubiŭ vynosić śmiećcie». Historyja Mandeły, jaki razumieŭ, što niemahčyma zamanić voraha ŭ zasadu, kali nie viedaješ, jak myślać jaho hienierały6
«Jak Volski prychodziŭ ź pieratrusam da Kołasa, a Krapiva i Hlebka danosili na kaleh». Apublikavanyja žachlivyja ŭspaminy Ryhora Biarozkina pra represii 1920—1940-ch1515
Kamientary